Edukasaun,
formasaun no hadi'a kondisaun sosioekonómiku sira hosi família sira hanesan
importante ba susesu hosi kampaña ruma hodi kombate violénsia hasoru feto sira
iha Timor-Leste, hatete hosi primeiru-ministru timoroan nian iha loron-segunda
ne'e ba Lusa.
Iha
deklarasaun sira ba Lusa, Rui Araújo komenta rezultadu sira ne'ebé nia
konsidera hanesan "preokupante" hosi estudu foun ida hosi Asia
Foundation, ne'ebé hatudu katak kuaze 0% hosi feto timoroan sira sai hanesan
vítima hosi violénsia seksual ka fízika.
"Bainhira
família, iha nível ekonómiku, laiha kondisaun sira hodi providensia moris di'ak
ida ba nia membru sira, hanesan fásil tebes violénsia no, to'o pontu ida, ema
sira hanoin katak violénsia ne'e hanesan razaun ida, bazeia iha sirkunstánsia
susar sira ne'ebé família hasoru", nia esplika no hatutan katak: "Ema
sira senti kuaze rezignadu sira ba sirkunstánsia susar sira ne'ebé sira hasoru.
No ne'e la muda hosi loron ida ba loron seluk. Iha relasaun ho edukasaun no
dezenvolvimentu sosioekonómiku hosi sosiedade tomak no hosi família sira
rasik".
Maski
hatudu preokupasaun ho informasaun sira, no afirma katak Governu serbisu
nafatin hodi tenta hatán ba problema ne'e, Rui Araújo konsidera ona katak tenki
hatene kontestu kona-ba informasaun sira ne'ebé hetan no linguajen ne'ebé uza.
"Ha'u
la kestiona validade hosi metodolojia, maibé tenki haree di'ak kontestu ne'ebé
maka informasaun sira ne'e rekollida. Iha kestaun importante ida, kestaun hosi
linguajen ne'ebé uza iha peskiza sira hanesan ne'e no ne'ebé halo mós diferensa
iha interpretasaun", nia hatete.
Fó
hanoin katak, hodi defini metodolojia hosi estudu ne'e, Asia Foundation serbisu
ona ho autoridade sira no parseiru lokal sira seluk, liuhosi ekipa ida serbisu
nian ne'ebé inklui reprezentante sira hosi ministériu rua no hosi Departamentu
Estatístika sira nian.
Entre
indikadór preokupante sira hosi estudu maka iha informasaun kona-ba persepsaun
ne'ebé timoroan sira iha relasionadu ho violénsia ne'e, feto timoroan balun
konsidera katak tenki aguenta violénsia hosi laen sira nian hodi mantén família
hamutuk no 81% justifika katak kompañeiru baku sira bainhira la obedese ka
kumpri di'ak tarefa doméstiku sira.
Feto
barak liu (81%) no mane sira (79%) konsidera katak laen ida bele baku nia feen
iha sirkunstánsia balun, "hanesan bainhira feen la obedese, bainhira nia
la hakotu ho di'ak serbisu doméstiku".
"Muda
hahalok ne'e hanesan buat ida ne'ebé bele akontese iha prazu médiu no prazu
naruk. La'ós ho hanoin katak bele muda hosi loron ba kalan. Iha relasaun ho
edukasaun, ho kriasaun ba kondisaun sira ne'ebé ema sira bele moris loloos dook
hosi sirkunstánsia sira ne'ebé bele hamosu violénsia", nia afirma ona.
Rui
Araújo rekoñese mós relatu sira ne'ebé hatudu númeru aas hosi kazu sira
relasionadu ho asaun seksual iha estrada sira, liuliu kona-ba feto estranjeiru
sira, nia konsidera mós katak ne'e sei la hetan solusaun lalais ida.
"Kampãna
hasoru violénsia doméstika, hasoru violénsia tomak halo nafatin iha tinan hirak
ikus ne'e. Ita tenki haree oinsá bele aumenta fali kampaña. Maibé ne'e la'ós
hosi loron ida ba loron seluk hodi bele halakon tendénsia violénsia hosi nasaun
ida pós-konflitu nian", nia rekoñese.
Foin
lalais fó sai ona iha rede sosial sira relatu, inklui vídeo, hosi feto
estranjeiru oioin ne'ebé maka hetan violénsia no asaun seksual iha estrada
sira.
SAPO
TL ho Lusa - Foto fó hosi António Casais ba SAPO Timor-Leste
Sem comentários:
Enviar um comentário