PR Taur: TL Sei Infrenta Dezafiu Iha Futuru, Povu Tenki Hamutuk

ATSABE - Prezidente Republika (PR) Taur Matan Ruak, deklara ba publiku katak Timor Leste (TL), sei infrenta dezafiu iha futuru, maibe povu TL tenki hamutuk hodi infrenta dezafiu sira nee, atu nune nasaun lao ho susesu.

Lia hirak nee hatoo husi PR Taur, ba Jornalista sira hafoin remata dialogu aberta, ho komunidade suku Laubono, Postu Administrativu Atsabe, Munisipiu Ermera (30/06/2016).

Hau hateten dalabarak katak hau la kohi kandidata aan ba Prezidente, maibe privelesu ida neebe povu fo ba hau, hau sente ondradu los, apezar hau la bele halo buat hotu ba povu, tuir espetativa neebe povu iha, minimu neebe hau halo hateten ba sira katak iha nee ba oin nee foho naruk los, mesmu hatene foho naruk, maibe hau hakarak hateten ba povu hotu-hotu tenki sae too tutun, tanba sakrefisiu neebe ita halo iha kotuk nee boot demais. Se sae foho nee maka too deit klaran, ema seluk maka sae too foho nia tutun, entau ita lakon boot,” hateten Taur.

Xefi Estadu nee mos ba periodu ida nee nia sei la kandidata aan ba Prezidente, maibe sei nafatin hamutuk ho povu, tamba nia fo mos kontribuisaun ba nasaun ida nee, ninia soldadu barak mate iha nia sorin, maibe sira neebe moris sei nafatin ho povu hodi hadia dezenvovimentu ba rai ida nee.

Iha parte seluk Intelektual Ermera oan Anteiro Carvalho hateten TL foin ukun aan tinan 14, tamba nee hanesan ohin prezidente katak TL ba oin sei sae foho naruk. Informasaun kompletu iha STL Jornal no STL Web, edisaun Tersa (5/7/2016). Joao Anibal

Suara Timor Lorosae