DILI
(ANTIL) – Director Exekutivu governu local Victoria, Dr. Graeme
Emonson iha Konferênsia konaba Desentralizasaun Administrasaun e Poder Lokal,
iha salaun Hotel Timor, Kuarta (17/08) hateten iha nia diskursu, Victoria ho TL
iha relasaun govermental bazeia ba amizade entre nasaun Australia no TL,
parsseira ne’e atu hasae kapasidade governu TL atu atende ba
nia necessidade.
“Hau
iha ne ohin loron koalia reprezenta governu Victoria, suporta munisipal iha
nível administrasaun husi fahe abilidade, matenek no esperiência iha dalan
ne’ebé hanesan Timoroan nia necessidade tuir Victoria nia kapasidade”, afirma
Graeme Emonson.
Nia
hatutan tan, Australia liu husi governu Victoria fo ona suporte
durante tempu naruk ba TL, partikularmente ba municípiu sira, atu halo desentralizasaun.
Iha municípiu 15 husi governu Victoria nian mak iha relasaun ho 11 municípiu
iha TL.
“Ami
halo ona reforma ba governu Victoria, particularmente relasaun ho reforma
governu lokal hodi atinji buat importante tolu mak hanesan: atu hadia integridade
husi governu lokal, kapasidade no dezempenhu, intregadu ba communidade sira”
dehan Dr Graeme Emonson tan.
Entre reforma
save 17 ne’ebé governu Victoria iha, maka prepara lei ba governu lokal, hadia
governasaun municípius atu fó apóiu ba finansiamentu communidade rural no atu
promove inklusaun sosial, partikularmente partisipasaun feto sira iha
governasaun lokal.
Estadu
Victoria optimista ho reformasaun ne’ebé iha, bele fó apóiu ba reforma
desentralizasaun iha TL.
Aspetu
nebe Governu Lokal Victoria atu suporta governu TL mak hanesan governu iha
sektor nasional, estadu no local, governu nia korpu dispostu atu fahe matenek,
suporta bipartidáriu governu, no ikus suporta komunudade ne’ebé forte.
(Jornalista: Julia Chatarina / Editor: Alberto Alves)
Foto:
Director Exekutivu governu local Victoria, Dr. Graeme Emonson
Sem comentários:
Enviar um comentário