DILI
(ANTIL) – Ami ko’alia kona-ba oinsá halo konetividade aéreo no
terreste entre Timor-Leste ho Indonezia,” João Mendes Gonçalves esplika.
Atu
hametin konetividade entre Timor-Leste no Indonezia, tuir planu sei asina
akordu ida iha fulan Outubru 2016, kona-ba ligasaun entre Dili ho Kupang.
Asaun
sira husi rezultadu enkontru sira antes, mak Indonézia loke ona fronteira ba
Timor-Leste atu bele hakat tama-sai, la presiza uza viza no servisu na’in husi
Timor-Leste bele tama ona Austrália.
Asuntu
seluk, ko’alia kona-ba oinsa promove setór turizmu, tanba potensiál boot iha
sub-rejiaun no estabelesimentu grupu trabalhu hodi implementa planu asaun.
Nasaun
tolu ne’e aprova ona planu asaun ba área prioridade hitu, kompostu husi
Komersiu no investimentu, konetividade, servisu na’in no interkambiu abilidade,
turizmu, edukasaun no treinamentu agricultura no peska.
Entre
área hirak ne’e, João Gonçalves esplika, tenki defini ona grupu trabalhu
sira atu hare obstákulu iha kada area, haruka bá xefe unidade atu halo
avaliasun.
Hafoin
evaluasaun, rekomenda ba Governu ida-idak atu oinsa bele ultrapasa obstákulu
sira nee no fasilita ema nia movimentu no produtu sira iha sub-rejiaun
laran.
Iha
enkontru trilateral entre Timor-Leste, Indonezia no Australia, 30 Marsu 2016
iha Dili, estelese ona grupu trabalhu iha area Komersiu, investimentu,
konetividade no turizmu.
Estabelesimentu
Trianglu ne’e, atu nasaun toluÇ Timor-Leste, Indonezia no Australia bele
dezenvolve lalais tan komérsiu, ekonomia no dezenvolvimentu hamutuk
iha area Sub’ rejional entre TL, Timor Ocidental, Indonezia no Northern
Teritory, Australia. (Jornalista: Maria Auxiliadora / Editór: Otelio Ote)
Foto:
João Mendes Gonçalves, Xefe Unidade Misaun Triángulu
Sem comentários:
Enviar um comentário