RAMOS HORTA : SOLIDARIEDADE APF BELE KONVENSE POLÍTIKA AUSTRALIA

Eis Prezidente Repúblika Timor-Leste, Jose Ramos Horta, optimista ho apoiu solidariedade ne’ebé ASEAN People Forum (APF) kontribui ba TL bele konvense Australia ninia polítika ba Problema Fronteira Maritima (FM).

“Liu husi konferensia APF iha TL ita manan mós sira nia solidariedade ba luta ne’ebé mak agora dau-daun la’o konabá roblema fronteira maritima. Tamba hanesan uluk iha tempu rezistensia ninian ho solidariedade maka apoia ita manan autodeterminasaun, nune’e agora sira mós bele konvense Australia atu haree sukat didiak sira nia polítika, e tuur ho ita nia Governu para iha tempu badak bele rezolve robmena FM,”Premiadu Nobel da Paz, Jose Ramos Horta, deklara ba jornalista sira Sesta (05/08/2016) hafoin remata ensera APF, iha salaun desportu Sekretariu Estado Joventude e Desporto (SEJD), Lecidere-Díli.

Ramos Horta hateten, nudar sidadaun senti kontenti ba APF ne’ebe fó apoiu maka’as no ativu ba realizasaun forum AFP iha TL, no liu husi APF delegadu 104 husi ASEAN haree katak, iha Azia nia laran Timor nasaun ida livre teb-tebes sira bele koalia buat hotu-hotu, rona buat hotu-hotu, tanba TL iha liberdade relizioja no polítika.

Entretantu peskizador Organizasaun Naun Govermental (ONG) Lao Hamutuk, Juvinal Diaz haktuir, eventu ASEAN People Forum (APF) ne’ebé realiza iha TL bele atrai kontribuisaun solidariedade internasional ba problema Fronteira Maritima (FM) ne’ebé agora todan hela iha TL ninia kabas.

“Ami konsiente teb-tebes katak ,luta ida ne’e presija partisipasaun maka’as husi solidariedade internasional ninian, tanba ita hatene katak esperiensia TL nia ukun rasik an ne’e hetan solidariedade husi nasaun barak iha ASEAN, nune’e iha eventu ida ne’e ami hakarak atu buka solidariedade, tanba ASEAN akumula nasaun barak,”tenik nia. Ves

Jornal Nacional