DILI,
(ANTIL) – Governu kontinua prepara kontratu 144, atu oinsá fó naroman ba
populasaun sira ne’ebé seidauk asesu eletrisidade.
Vise
Ministru Obras Públikas, Trasporte no Komunikasaun I, Januario da Costa Pereira
ba jornalista ANTIL, Sesta, (5/8) iha nia Gabinete Kaikoli, informa, tuir lista
iha sistema hatudu dadus iha 148.000 uma kain ne’ebé hetan eletrisidade hosi
sentral elétrika.
Nia
hatutan, uma kain 23.000 iha área ruráis asesu naroman liu-hosi páneis sólaris,
totál uma kain ne’ebé hetan eletrisidade iha rai laran 171.000.
Kontratu
ne’ebé prepara ho esperansa, akresenta, finál 2017 ba 2018 garante populasaun
sira bele hetan eletrisidade.
Nia
husu ba komunidade sira iha foho lolon atu kria kondisaun para halo
interligasaun ba dalan boot sira.
Nia
hatutan tan, kona-ba ai-riin eletrisidade ne’ebé monta ona, maibé seidauk iha
ahi tanba iha 28 Maiu 2015 governu liu-hosi MOPTK, jestór projetu públikas e
balun, servisu laiha kontratu e laiha ordem servisu.
Informa
liu tan, foin lais lori ona ba Parlamentu Nasionál e aprova ona projetu riin
eletrisidade para finál fulan ne’e nia laran bele ona iha kontratu.
“Nudar
governu ita tenke kontinua kria kondisaun ba setór privadu sira bele forte
nafatin, atu nune’e aban bain rua, se nasaun ne’e forte, setór privadu mos iha
fatin para bele dehan parseiru dezenvolvimentu rai ne’e ninian mak setór
privadu”, Januario dehan. (jornalista: Júlia Lapudooh; editor : Rita
Almeida)
Sem comentários:
Enviar um comentário