DILI,
(ANTIL) – Ekipa AD SLB Laulara kontinua hatudu sira nia jogu rigór iha
Kopa 12. Buka pontu 3 sai hanesan sira nia tarjetu prinsipál.
Mehi
ida ne’e, sira hatudu iha kompetisaun Kopa 12 iha Estádiu Municipál Dili,
Sesta, (5/8), bainhira sira manán sira nia rival FC Nagardjo.
Jogu
kompetetivu tebes maibé ikus mai SLB manán Nagardjo ho golu 1 iha minutu 55.
Golu refere rezultadu hosi kapitaun SLB, José Oliveira (7) nia xutu bareira
hosi dook.
Enkuantu,
ekipa Nagardjo ho espíritu ás atu buka manán maibé fora hosi espetativa. Ne’e
duni, jogu desezivu ne’e taka ho golu 1 hosi SLB.
Treinadór
FC Nagardjo, Antoninho dos Santos Ximenes rekuñese katak sira lakon tanba
preparasaun lá másimu. Sira nia preparasaun durante loron 25 de’it.
Nia
reseiu SLB tanba vensedór Liga Futeból Amadora époka 2015-2016 no preparadu
durante tinan naruk nia laran.
Treinadór
ne’e informa katak derota ne’ebé sira hetan hanesan motivasaun ida ba sira para
sira bele prepara án di’ak liu-tan iha jogu sira tuir mai.
Aleinde
ne’e, Treinadór SLB, Efrem Gerónimo dehan maske sira manán maibé sira nia
rezisténsia menus. Ida ne’e, tuir nia, kauza hosi feriadu ne’ebé naruk hafoin
jogu Liga Futeból Amadora.
Nia
tenik katak sira tenki treinu maka’as nune’e bele rekopera hikas sira nia
estamina ne’ebé tún.(jornalista: Xisto Freitas; editora : Rita Almeida)
Sem comentários:
Enviar um comentário