Negosiador
prinsipal ba fronteira marítima aktual Ministru Planeamentu
Investimentu no Estratejiku (MPIE), Kay Rala Xanana
Gusmão, deklara, Timor-Leste sei luta maka’as tan hodi atinji soberania
maritima ba povu no nasaun ida ida nee.
“Ha’u
husu ba ita bo’ot sira ba dala
ikus katak, Timor-Leste iha luta ne’ebé maka’as atu
atinji ami nia soberania, fronteira
marítima iha ami nia rai ida ne’e
sai hanesan kestaun ami nian no sai
hanesan luta ida ba ami nian independensia
hodi fo soberania ba ami nian tasi
no rai nian, nune’e ami bele seguru
ba ami nia povu no ami nia nasaun iha
futuru,”hatete Prezidente negosiasaun fronteira
marítima aktual Ministru Planeamentu Invensimentu
no Estratejiku (MPIE) Kay Rala Xanana Gusmão
iha nia diskursu wainhira partisipa iha
ASEAN People’s Forum iha Centro Convenções
de Dili (CCD), Sesta feira liu ba nee.
Lider
karismatiku ne’e esplika, sira luta iha tinan
24 nia laran atu liberta rai
lulik ida ne’e, la’os para iha ne’e, maibé
nia (Kay Rala Xanan Gusmão red) sei
kontinua luta nafatin ba soberania
fronteira tasi Timor.
“Ami
luta iha tinan 24 nia laran ba
ami nia rai nian no ami sei
kontinua luta ba ami soberania ba ami
nian tasi. TL konvida nafatin ba sosiedade
sivil sira liu-liu ba nasaun bo’ot no
ki’ik sira atu akompaña nafatin ba
ami nia kazu fronteira marítima ne’e
hodi fó apoiu nafatin,”husu eis Primeiru
Ministru (PM) Kay Rala Xanana Gusmão
ba sosiedade sivil.
Nia
dehan, nasaun viziñu Indonesia konkorda
tiha ona atu diskute ho Timor, maibé
nasaun viziñu ida seluk Australia iha
fatin balun rejeita hakarak diskute ho
Timor, tamba ne’e nudar Timor oan sei kontinua
luta ba nia tasi no rai doben
ida ne’e.
“Maluk
Indonesia konkorda ona atu diskute ho ami,
maibé Australia iha fatin seluk sira
rejeita atu diskute ho ami, ami nasaun
kiak no dezenvolvimentu fraku liu iha rai,
maibé ho Australia nian mandamentu hodi
aproveita ami nian falta rekursu no
ami nia kiak hodi aproveita faz parte
rekursu ne’ebé iha ami nian rai,” afirma nia.Tos
Jornal
Nacional
Sem comentários:
Enviar um comentário