Organizasaun
Caucus (feto iha politika) hahu fo formasaun ba feto potensial iha partidus
politiku 30 ne’ebe registu ona iha Comisaun Nasional ba Eleisaun hodi prepara
ba eleisaun jeral 2017.
Responsavel
programa kapasitasaun, Pascoal da Cruz Gomes hateten formasaun ida ne’e atu
haforsa deit sira nia kapasidade, nune’e bainhira hetan fiar tuur iha
parlamentu, reprezenta duni povu no lori duni aspirasaun feto nian.
Nia
dehan, deputada balun hetan fiar husi sira nia partidu tuur iha parlamentu
maibe ladun foti asuntu ne’ebe afeta ba feto sira nia moris, tanba la
preparadu.
“Sira
tuur iha ne’eba lori feto nia aspirasaun maibe tanba preparasaun laiha entaun
ladun koalia,” nia hateten iha nia knar fatin Kaikoli, Dili.
Nia
hatutan, programa kapasitasaun ne’e importante tebes ba feto sira tanba sira
nia partidus la fo kapasitasaun ne’ebe espesifiku ba membru sira antes hatama
naran iha lista.
Kona
ba material formasaun, nia dehan kapasitasaun sei haree liu ba iha lideransa
transformative no diskursu publiku (public speaking).
Nia
informa, partisipantes husi partidus ne’ebe registu ona iha Komisaun Nasional
da Elisaun hamutuk 30 kompostu husi partidu tuan no foun balun. Kada partidus
ema nain ida no sei iha kontinuasaun.
Iha
parte seluk, Membru Grupo Feto Parlamentar (GFP), Deputada Josefa Alvares
Pereira Soares, hateten deputada sira ladun koalia iha plenaria la’os tanba
sira falta konesementu, maibe tanba limitasaun tempu.
“Iha
plenaria ne’e iha limitasaun, dalaruma ema nain lima ou 10 deit mak koalia
la’os ema hotu koalia,”nia hateten.
Kona
ba formasaun, nia dehan ne’e responsabilidade partidu politiku sira atu fo
kapasitasaun ba nia kuadrus liu –liu feto sira kona ba politika no organizasaun
feto Caucus, sira iha papel importante atu haforsa feto nia involvementu iha
vida politika.
Nia
sujere, mos ba Caucus atu involve feto potensial sira husi partidus politiku
hotu iha programa formasaun, labele hili partidu ida rua deit.
“Kuandu
partidu ne’ebe sira la gosta, sira nunka konvida, konvida mak sira ne’ebe sira
gosta,” nia kritika.
“Doador
sira fo osan la’os atu halo diskriminasaun, maibe atu feto hotu partisipa.”
The
Dili Weekly
Sem comentários:
Enviar um comentário