Papa hateten katak kada mistériu Rosáriu nian nu’udar konviti ida hodi halo reflesaun

Francisco mos ko’alia kona-ba Maria iha Vatikanu

Papa hateten katak orasaun Rosáriu hanesan xave fundamentál ida atu identifika sinál hirak ne’ebé konkretu ba Maromak ninia prezensa iha, ita-nia moris lorloron. 

Horsehik, durante omilia jubileu mariano nian, iha Roma, Francisco hateten katak iha kada mistériu Rosario hanesan konviti ba reflesaun ida, relasiona ho oinsá Mromak atua iha ita-nia moris lorloron. 

“Orasaun Rosario sempre fó protesaun ba ita-nia moris lorloron: no halo ita atu buka hatene, istória moris lorloron nian, hodi hatene sinál idaidak kona-ba prezensa Cristo nian, iha ita-ninia leet.Bainhira ita halo reflesaun iha momentu balun, kona-ba mistériu hosi Cristo ninia vida, maka ita idaidak hetan konviti atu oinsá hatene Maromak tama iha ita moris, Nia simu ita no atu ita la’o tuir Nia. Ho ida ne’e ita bele deskobre dalan hodi tuir Cristu no hala’o serbisu ho maun alin sira. Ita hanesan disípulu, nomós misionáriu no portadór Cristu nian, iha fatin hotu-hotu ne’ebe Nia husu ita atu bá”, hateten. 

Papa Francisco ko’alia mos kona’ba Maria, “Iha ninia fi’ar, ita hare’e oinsá ita-nia fuan ankloke atu obedese Maromak; iha ninia abnegasaun, ita deskobre atu ajuda malu; iha nia matabe’en, ita hetan forsa atu bele konsola sira ne’ebé moris iha susar-laran. Iha kada momentu hirak ne’e, Maria hatudu rikeza mizerikórdia divina nian, hodi ajuda ema idaidak, tuir saida maka ema ne’e prezija iha nia moris lorloron”. 

Iha serimónia Vatikanu ne’e, konta mos prezensa hosi reitór santuáriu Fátima, padre Carlos Cabecinhas. 

SAPO TL ho Renascença