Hetan PV 100%, PN Fo Todan Ba PR Taur

DILI - Lei Mensal Pensaun Vitalisia (PV) halo ona alterasaun e hetan ona aprovasaun husi Parlamentu Nasional (PN), hodi hein lori ba Prezidente Republika (PR) Taur Matan Ruak atu promulga ka veta.

Maske hetan ona iha aprovasaun, PN fo todan ba PR, tanba Prezidente hetan 100% no eis Ministru no Deputadu sira hetan deit 60%. Durante nee PR Taur Matan Ruak vizita 442 iha Timor laran, hakilar katak diak liu lei pensaun vitalisia nee hapus total, mesmu PN fo ba prezidente 100%, tanba Prezidente uluk luta laos mehi pensaun vitalisia, maibe luta atu hetan Vitoria no hadia povu no nasaun nia moris.

Konaba kestaun nee Observador Politiku Camilio Ximenes hateten lei Pensaun Vitialisia neebe PN aprova ona atu lori ba Prezidente Republika, nee iha kestaun rua maka importante.

Primeiru maka politikamente PN fo Prezidente pensaun vitalisia 100%, para prezidente aseita Pensaun vitalisia nee kontinua iha. Segundu kestaun maka Prezidente deklara ona katak sei la kandidata aan ba Prezidente, tanba ida nee aban bain rua fo sala ba Prezidente Republika, nee kestaun politikam ba partidu politiku sira, liu-liu Deputadu sira iha Parlamentu halo, hodi nune aban bainrua fo sala ba Prezidente,” hateten Camilio, ba Jornalista sira, iha nia knar fatin UNTL Lama, Caicoli, Dili, Kinta (12/01/2017).

Nia dehan sira la hatene povu hanesan bai-bain sira koalia katak povu TL laos ona moris iha 1975, laos ona povu neebe moris iha 1999, maibe povu agora hatene ona katak se maka defende povu nia future.

Iha parte seluk Bispu Diosese Baucau Dom Basilio do Nasimento hateten konaba altersaun lei pensaun vitalisia, Bispu la iha ideia atu hateten ida nee katak ida neebe maka diak liu no ida neebe maka la dun diak. Informasaun kompletu iha STL Jornal no STL Web, edisaun Sesta (13/1/2017). Joao Anibal

Suara Timor Lorosae