quarta-feira, 11 de janeiro de 2017

Kestaun Politika, Sidadaun Timorense Iha Estranjeiru Latuir Eleisaun

DILI - Tanba deit kestaun politika, sidadaun Timor Leste neebe hela iha estranjeiru hanesan Irlandia, Inglatera no Indonesia sei lakon sira nia direitu hodi partisipa iha prosesu eleisaun rua eleisaun Prezidensial no Parlamentar.

Irlandia no Inglatera ita lahalo resensiamentu iha kestaun politika tanba sira neebe ba Ilandia no Inglatera nee ba ho pasaporte Portugues sira sidadaun Portugues,” dehan Vice Ministru Administrasaun Estatal (MAE), Tomas Cabral ba jornalista sira iha nia knar fatin, Caicoli-Dili, Kuarta (11/01/2017).

Vice Ministru nee haktuir, Timor oan sira iha nasaun rua hanesan Irlandia no Inglatera atu sai sidadaun TL tenke hetan vistu de traballu, se vistu traballu laiha nee labele tanba sira tama iha Portugal ba pasaporte Portugues, sira nee sidadaun Portugues sira servisu iha Uniaun Eropeia.

Nia afirma, laos Governu TL mak lakoi halo resensiamentu ba Timor oan iha Irlandia no Inglatera, maibe iha kestaun tekniku ho kestaun sira nia prezensa iha ema nia rain.

Iha sorin seluk, Tuir Observador Politiku Luis de Carvalho katak governu hasai rezolusaun nee governu lakonsideira ona Timor oan sira balun iha Indonesia, Koreia no nasaun sira balun, maibe governu kosideira deit Timor oan sira iha Portugal no Australia.

Nunee mos, Sekertariu Jeral Partidu Movimentu Libertasaun Povu Maubere (MLPM) Reis Cadalak hateten, povu Timor tomak uluk luta ba libertansaun nasaun nee, tantu husi kiik too boot, maibe agora tanba sira nia difikuldades no sira nia future ba iha tasi balun, maibe governu la tau konsideirsaun. Informasaun kompletu iha STL Jornal no STL Web, edisaun Kinta (12/1/2017). Raimundo S. Fraga

Suara Timor Lorosae

Sem comentários: