Governu
Repúblika Popular Xina nian hatete, iha loron-segunda ne'e, katak senti
"preokupadu tebes" hafoin Koreia-Norte hatete kona-ba kapasidade hodi
halo teste ba misil balístiku interkontinental ida "iha momentu balun no
fatin ruma".
"Situasaun
atual iha península koreanu kontinua kompleksu no sensível. Ami insisti atu
parte sira hadook aan bainhira mosu tensaun", hatete hosi porta-vós
Ministériu Negósiu Estranjeiru nian, Lu Kang, durante konferénsia imprensa ida
iha Pekin.
Porta-vós
fó hanoin katak Konsellu Seguransa ONU nian foti ona pozisaun "ho dalan
esplísitu" hasoru dezenvolvimentu hosi misil balístiku sira hosi parte
Pyongyang, refere ba kastigu sira ne'ebé adopta iha 2016 kona-ba rejimi Kim
Jong-un.
"Xina
sei akompaña nafatin situasaun no kontribui hodi mantén dame no estabilidade
iha rejiaun", nia hatutan.
Repúblika
Popular Xina nian, apoiante prinsipal Koreia-Norte nian, hadook aan hosi
Pyongyang iha tempu ikus ne'e tanba teste armamentístiku ikus sira ne'e maibé
kontra mós prezensa hosi eskudu antimisil THAAD nian, ne'ebé instala hosi
Estadus Unidus, iha Koreia-Súl.
SAPO
TL ho Lusa
Sem comentários:
Enviar um comentário