terça-feira, 10 de janeiro de 2017

2016 MP Konsege Rezistu Kazu 4.300, Prosesu Hasoru PNTL Menus Liu Baucau

DILI – Prokudoria Republika iha tinan 2016 konsege rejistu kazu hamutuk 4.300 husi teritoriu Timor laran tomak, maibe prosesu hasoru parte seguransa hanesan PNTL no F-FDTL Menus liu iha Munisipiu Baucau.

Tuir Prokurador jeral Republika Jose Ximenes katak iha 2016 prosesu neebe mak tama hamutuk 4.300, kada tinan prosesu sempre aumenta hanesan iha tinan 2014 prosesu neebe tama 3.800 iha 2015  iha 4.000  no iha 2016 prosesu hamutuk 4.300.

Ami mos hare kazu neebe kontra PNTL no F-FDTL ita iha 112 prosesu, Aas liu akontese iha Dili ho prosesu 48 no segundu Suai 44 maibe munis liu mak baucau iha deit 6 mak tama,” dehan Jose ba Jornalista Segunda (09/01/2017) iha Palasiu Prezidensial Nicolao Lobato.

Nia hatete kazu neebe maioria tama iha PJR Aas liu mak ofensas koorporal integridade no violensia domestika depois mak prosesu tuir mai.

Antes nee Segundu Komandante Jeral Polisia Nasional Timor Leste (PNTL) Komisariu Faustinho da Costa hatete hasoru malu ho Prezidente Republika informa situasaun rai laran durante tinan ida ba Prezidente Republika. Informasaun kompletu iha STL Jornal no STL Web, edisaun Tersa (10/1/2017). Timotio Gusmao

Suara Timor Lorosae

Sem comentários: