sábado, 8 de abril de 2017

PN Labele Kopia Lei Portugal-Brasil, PR Eleitu Lu-Olo Advogadu Tenke Hatene Intrepreta Lei

DILI – Relasiona ho Advogadu Privadu Timor Leste (APTL), husu ba Parlamentu nasional liu liu Komisaun A atu labele kopi deit lei husi Portugal no Brasil, PR elitu Lu-Olo hateten, Advogadu sira maka tenke hatene buka intrepreta lei, tanba lei laos hakerek ho lia fuan iha neeba nee maka dehan lei ona.

Lei nee ita atu aplika primeiru de tudu ita tenke halo intrepretasaun ba lei nee hodi bele aplika, u ke krizerke lia fuan hakerek nee labele sai lei ida bainhira ita hakarak aplika,” dehan PR eleitu Lu-Olo ba jornalista sira iha, Sede CCF, Comoro, Dili, Sesta (07/04/2017).

Prezidente RDTL eleitu Lu-Olo hateten, Kuandu dehan lei sira nee hotu kopi paste Lu-Olo bele atu hateten deit ba advogadu sira para komprende didiak sistema justisa Timor nian nee, sistema familia Romanu -Jermanika nian, nee laiha tan sistema seluk iha Timor.
Eis Prezidente Parlamentu Nasional atual Prezidente RDTL eleitu nee afirma tan katak, too agora laos deit iha Timor Leste maka adopta sistema juridiku familia Romanu Jermanika nian, maibe rai hotu neebe hola parte sai hanesan provinsia Portugal adopta sistema sira nee hotu.

Iha parte seluk, Vise Prezidente Komisaun A trata asuntu konstitusionais, justisa, administrasaun publika, poder lokal i anti korupsaun, Arao Noe de Jesus dehan, hanesan deputadu iha Parlamentu Nasional (PN) liliu komisaun A lakopi lei husi rai liur, maibe bele foti referensia. Carme Ximenes

Suara Timor Lorosae

Sem comentários: