Aproveita
iha loron elisaun jeral prezidensial, povu husu ba prezidente eleitu ba periodu
2017-2022 atu halakon tiha lei pensaun vitalisia ne’ebe durante ne’e benefisia
ba grupu balun deit.
Manuel
Soares, hanesan sidadaun baibain ida observa katak publiku kestiona bebeik ona
hodi halakon tiha lei ida ne’e, maibe ate agora seidauk iha solusaun.
“Ema
hotu preokupa kona ba lei pensaun vitalisia ne’e, maibe laiha solusaun e entaun
hanesan prezidente da republika iha direitu tomak atu veta lei ida ne’e,” nia
sujere, hafoin tuir votasaun iha sentru votasaun Eskola Ensino Pre no
Sekundaria 10 Dezembru, Dili.
Alende
ne’e, prezidente nudar komandante supremu (tuir Konstituisaun RDTL), husu atu
kria mos kondisaun ba Forsa Defeza Timor-Leste (F-FDTL) no Polisia Nasional
Timor-Leste (PNTL) hodi sira bele hala’o knar ho diak liu tan.
Entretantu
eis Sekretaria Estadu Promosaun Igualidade, Idelta Maria Rodrigues hanesan mos
sidadaun nia kongratula governu liu –liu Komisaun Nasional Elisaun (CNE) no
Sekretariadu Tekniku Administrasaun Eleitoral (STAE) ne’ebe servisu
maka’as hodi realiza prosesu demokrasia ida ne’e.
“Tenke
sai servidor ida diak, la’os ba deit ninia grupo, maibe tenke haree povu en
jeral,” nia hateten.
“Hau
fiar katak prezidente foun sei lori mudansa ida diak liu tan iha tinan lima
mai.”
Nia
husu, atu prezidente eleitu tenke servisu hamutuk ho orgaun soberanu seluk hodi
mantein unidade nasional, estabilidade hodi lori dezenvolvimentu ba povu ne’ebe
sei do’ok husi prosesu ida ne’e.
Timor-Leste
hetan nia independensia iha 1999 no restaura iha tinan 2002, e pela primeira
vez Timor –Leste organiza prosesu elisaun jeral mesak (seguransa) hafoin misaun
Nasoens Unidas (ONU) remata iha tinan 2013.
The
Dili Weekly
Sem comentários:
Enviar um comentário