sábado, 8 de abril de 2017

Semana Oin Merenda Eskolar Hahu Lao Iha EBC

PARTILHAR
DILI – Ministeriu Edukasaun (ME), konsidera, semana oin programa merenda eskolar sei lao iha ensinu baziku central (EBC), iha teritoriu Timor Leste (TL).

Kestaun nee fo sai husi Vise Ministra Edukasaun I, Dulce Jesus Soares katak, enkontru ho Prezidente autoridade Munisipal sira iha loron hirak liu ba, laos koalia deit asuntu programa merenda eskolar, maibe atu koalia konaba programa sira neebe mak ME desentraliza ona ba Munisipiu, hanesan programa merenda eskolar, pre-eskolar, nomos husi parte ensinu rekorrente nia mak programa analfabetizasaun.

Enkontru ho prezidente autoridade Munisipal sira iha loron hirak liu ba nee, laos koalia deit asuntu programa merenda eskolar, maibe atu koalia konaba programa sira neebe mak ME desentraliza ona ba iha Munisipiu sira mak hanesan, programa merenda eskolar, pre-eskolar, nomos husi parte ensinu rekorrente ninia mak programa analfabetizasaun, entaun iha momentu nee ba, ami partilla informasaun ba sira,” dehan vise ME Dulce ba STL iha nia knar fatin ME Vila-Verde, Dili, Sesta (07/04/2017).

Dulce akresenta, enkontru entre ME ho Estatal nee foin primeiru vez, iha momentu nee ba halo aprejentasaun konaba manual lalaok implementasaun programa merenda eskolar, kondisoens eskolar ba iha pre-eskolar, nunee mos informasaun konaba programa pre-eskolar, nomos  alfabetijasaun.

Iha fatin hanesan Superintendente Munisipiu Dili, Virgilio Freitas Cabral hatete, servisu neebe mak ekipa inspeksaun haree iha 2016 merenda eskolar nee kuaze lao diak, maibe partensia neebe mak haree liu ba iha menu neebe mak durante lao, dala ruma professor sira sempre fo hatene preokupasaun konaba asuntu ida nee. Jacinta Sequeira/Guilhermina Franco

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: