Tamba Mudansa Sistema, Xefe Suku Nia Osan Tama Tarde

BAUCAU - Xefe suku nia orsamentu tama tarde tamba governu sentral halo mudansa ba sistema. Tamba nee, Administrador Postu Baucau Vilha Francisco Ximenes husu xefe suku sira iha Postu Baucau Vilha presiza hein.

Xefe suku eleitu, sira povu mak hili. Agora suku sira sedauk iha orsamentu. I governu lataka matan. Bazea Lei Numeru 09, xefe suku hotu oras nee dadaun submete ona ba Ministeiru Estatal nia okos. Mudansa sistema nee sei lori tempu no prosesu neebe kleur uit oan. Muda sistema husi desentralizasaun ba fali sistema desentralizasaun ba munisipiu. I ba Munisipiu Baucau simu ona nia knar iha dia 26 de Otobru 2016, hateten Francisco Ximenes ba STL iha ninia servisu fatin, Vilha Antiga Baucau, Segunda (27/3/2017).

Problema ida seluk, nia dehan, xefe suku balu foun no iha xefe suku balu latroka. Sistema online iha munisipiu mos ladun diak. Tamba nee mak, mudansa sistema laos husi suku sira iha Baucau deit maibe Timor laran tomak. Sistema Desentralijasaun muda fali ba sistema deskonsentralijasaun. Tamba nee maka administrado postu ba to suku mos sei halo mudansa.

Los duni katak xefe suku nia osan intensive tama tarde tamba deit muda sistema tuan ba sistema foun tamba iha xefe suku foin maka eleitu no iha mos xefe suku tuan re-eleitu filafali ida nee maka muda sistema sira nee. Problema nee laos iha Baucau deit maibe iha Timor laran tomak tamba nee husu atu kumprende oituan,”nia dehan.

Xefe Suku Bahu Manuel Francisco Rodrigues Gusmao mos reforsa tan katak osan nebe xefe suku sira simu laos hanaran salariu. Maibe osa nee hanaran osan intensive ba xefe suku sira nebe fulan ida $ 140 maibe simu iha fulan tolu dala ida. Konaba iha lia nain, delegada, delegadu, sefe juventude sira lahetan osan intensive.

Maibe kuandu iha inkontru regular nebe presija prejensa konselus sukus nian ida nee hare deit ba sira nia prejensa. Maibe konaba farda no trasportes ba xefe suku sira ate agora sedauk iha maibe presija tempu atu governu aprova.

Ami tur hamutuk ona ho administrador postu no prejidente autoridade munisipiu katak lia nain, delegada, delegadu, nee lahetan osan intensive. Maibe karik halao inkontru regular ba suku nian maka sira foin hetan osan prejensa nian,”nia kualia tan.

Xefe Suku Tirilolo Ricardo Evaristo Belo reforsa tan katak, los duni konaba osan intensivu ba xefe sukus sira durante nee ami sedauk hetan.  Maibe iha 20016 liu baa mi fulan tolu ami hetan ona ami nia osan intensivu. Lahatene ho rajaun saida tuir lolos Lei No. 03/2009 xefe sukus hotu fulan tolu hetan ona osan intensivu fulan ida  $ 165.

Iha tinan 2017 agora rona dehan katak osan nee tun fali ona ba $ 140 lahatene rajaun saida sedauk esplika klaru husi administrador postu sira. Tinan kotuk osan nee $ 140 aumenta tan osan seluk hamutuk $ 165. Tamba nee maka husu ba administrador postu atu bolu ami tur hamutuk kualia rajaun saida maka sedauk hetan.

Konaba osan intensive ba delegadu delegada nian dehan iha ona maibe simu fulan neen dala ida maibe realidade nebe iha sira sedauk hetan osan. Sira mos hein hela bainhira maka atu bele realija buat nebe sira promote ba delegadu delegada suku sira agora. Est-4

Suara Timor Lorosae