domingo, 2 de abril de 2017

Fila Husi Viasakra TP Simu Tudik

PARTILHAR
DILI - Tribunal Distrital Dili (TDD), halao julgamentu ba kazu Ofensas Integridade Fiziku Simples (OIFS), tanba arguidu ho naran inisial EX sona lezadu ho naran inisial TP hafoin fila husi Viasakra.

Tuir akuzasaun husi Ministeriu Publiku neebe Tribunal  lee sai katak, iha loron 17 Maio tinan 2014 la apuradu lezadu ho naran inisial TP foin fila husi viasakra, lezadu lao mai arguidu sira hamutuk nain neen (6) hamrik hela iha Hotel Arbiru nia oin arguidu dehan ba lezadu dehan o sadik hau ga?

Tanba nee mak arguidu halai tuir lezadu tebe lezadu nia liman parte sorin karuk, no arguidu mos kontinua hasai tudik hodi sona lezadu nia kotuk laran dala ida

Konsekunsiaa husi arguidu nia hahalok, halo lezadu hetan kanek iha liman no sona lezadu nia kotuk laran, no halo lezadu tama Ospital (HNGV) halo tratamentu durante semana ida ho balun no suku ho pontu 4.

Hatan ba akuzasaun nee arguidu mos deklara ba Tribunal katak, faktus nee los hotu. Iha momentu neeba arguidu la iha intensaun atu sona lezadu, maibé lezadu sira mak provoka uluk arguidu sira tanba nee mak arguidu nervozu hodi sona lezadu nia kotuk laran dala ida no tebe dala ida iha liman parte karuk.

Ami nain 6 mak hamrik hamutuk iha Hotel arbiru nia oin, maibé hau mak direitamente sona lezadu,”dehan arguidu iha audensia Julgamentu.

Iha fatin hanesan lezadu mos informa ba Tribunal katak, iha momentu nee sira ba viasakra fila mai atu ba uma.

Iha altura neeba lezadu ho nia kolega sira lao barak maibé lezadu mak lao ikus, derepente deit arguidu hakilar ba lezadu dehan,”o sadik hau ga"?

Iha alegasaun Ministeriu Publiku husu ba Tribunal atu aplika pena prizaun tinan 3 suspende ba tinan 6. Entretantu husi Defensór Publiku husu ba Tribunal atu aplika pena neebe mak adekuadu tanba arguidu mos arepende nia sala ona iha futuru oin mai sei la halo tan.

Rona tiha husi Ministeriu Publiku, Defensor Publiku Tribunal  adia fila fali julgamentu nee ba iha loron 17 Abril tinan 2017 oras tuku 5:00 loraik hodi rona desizaun final. Domingos Piedade Freitas

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: