domingo, 2 de abril de 2017

D. Virgilio Agradese Maromak, Hili Ona Lu-Olo Sai Aman Ba Nasaun

PARTILHAR
DILI – Bispu Dioseze Dili, Dom Virgilio do Carmo SDB iha homilia hateten, ho haraik aan mai agrdese ba maromak, basa maromak liu husi nia povu, hili ona nia atan Francisco Guterres Lu-Olo sai aman no ukun nain ba povu iha nasaun ida nee.

Ohin ho haraik aan ita mai agradese ba nai maromak, basa nai maromak liu husi ninia povu, hili ona nia atan Francisco Guterres Lu-Olo neebe sei sai aman, no ukun nain ba nasaun no ba povu iha nasaun ida nee,” dehan Amu Bispu Dili, D. Virgilio, iha humilia, bainhira preside misa agrdesementu vitoria Lu-Olo, iha Igreza Katedral Dili, Sabdu (01/04/2017).

Amu Bispu Dom husu harohan atu nai maromak mos husik buat neebe aat no nakloke, atu nunee nia (Prezidente eleitu Francisco Guterres Lu-Olo bele ukun povu ida nee hanesan liurai, neebe nunka senti kolen atu hadia povu nia moris.

Amu Bispu Dom Virgilio hateten, Iha permeira litura hare oinsa profeta Zeremias hasae maromak nia kbiit hasoru grupu neebe maka laobedese nai liurai mundu nian, sira buka halo tuir sira nia hakarak, ba lia fuan neebe liurai hakarak atu halo reforma iha tempu neeba, maibe lahatene atensaun ba povu ninia suksesu.

Iha fatin hanesan Prezidente elitu Francisco Guterres Lu-Olo hateten misa agrdesementu nee nia ho familia no partidu FRETILIN rasik maka husu, hodi halo reflesaun ida ho familia, inklui komunidade tomak.

Partisipa iha misa nee maka hanesan kuadru no militante Partidu FRETILIN, inklui reprezentante veteranus no lider partidu sira neebe durante nee fo apoiu iha eleisaun no mos sarani sira iha paroquia Katedral, Dili. Carme Ximenes/Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: