terça-feira, 6 de junho de 2017

PJR Informa Situasaun Kriminal ba PR Lu-Olo

PARTILHAR
DILI – Prokurador Jeral Republika (PJR) Jose Ximenes halao enkontru dahuluk ho Prezidente Republika Francisco Guterres Lu-Olo, hodi informa konaba Problema kriminal neebe maka mosu durante nee.

Hanesan kazu Bebonuk, kazu iha Munisipiu Ainaro foin dadaun neebe resulta vitima ida maka mate iha fatin akontesimentu neebe ataka husi grupu deskonesidu sira.

Tuir Prokurador Jeral Republika Jose Ximenes katak PJR halo enkontru ho Presidente Republika Francisco Guterres Lu-Olo, hodi relata konaba problema krime neebe mosu durante hanesan problema kazu Bebonuk ho Ainaro.

“Foin dadaun neebe resulta vitima ida maka mate iha fatin akontesimentu neebe ataka husi grupu deskonesidu sira, kazu neebe maka akontese iha Bucoli Munusupiu Baucau foin dadaun nee hodi resulta uma ida hetan sunu,” dehan Prokurador Jeral Republika Jose Ximenes ba Jienalista hafoin remata enkontru ho PR Lu-Olo iha Palasiu Presidente Republika, Tersa (6/6/2017).

Dirijentes nee hatutan alemde relata problema krime neebe maka durante nee mosu ba Presidente Republika, nia parte mos hato felisitasaun ba PR Lu-Olo nudar Presidente foun nunee mos informa servisu Prokurador Jeral Republika neebe maka halo durante.

Nia argumenta konaba kazu Ainaru  nee rasik  polisia kaer ona suspeitu nain sanulu resin ida, no suspeitu sira nee oras nee dadaun iha ona prisaun preventiva, no konaba kazu  neebe maka  akontese problema konfrontus iha Baucau, Bucoli neebe maka resulta uma hetan sunu oras nee susupeitu naain sanulu resin tolu, tribunal distrital Baucau aplika no apresentasaun periodika ba suspeitu. Natalino da Costa

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: