terça-feira, 6 de junho de 2017

KFP Redús Funsionáriu 100 ho Kargu La Tuir Grau

PARTILHAR

DILI: Komisaun Funsaun Públiku (KFP) halo ona redusaun ba funsionáriu públiku 100 ne’ebé ho grau ki’ik, maibé assume pasta nu'udar diresaun xefia.

Polítika ne’e KFP halo atu revitaliza kultura ida husi estratéjia KFP nian para ajustamentu saláriu ne’ebé halo ona iha fulan Janeiru liu bá.

Prezidente KFP Faustino Cardoso fó sai informasaun ne’e ba Independente hafoin partisipa iha serimónia espozisaun reforma iha salaun Ministériu Solidariedade Sosiál (MSS),

Kaikoli (05/06). Husi asaun ne’e, KFP halo ona redusaun ba funsionáriu 100 ne’ebé asume kargu diresaun xefia.

Akontesimentu ne’e la'ós de’it iha KFP nia laran, maibé iha instituisaun estadu nian balun mós hetan ona redusaun ba sira nia saláriu.

Nia dehan, asaun ne’e KFP halo tanba afeta husi konsekuénsia prátika nomeasaun iha tempu kotuk ne’ebé la haree ba grau mínimu funsionáriu nian.


Prosesu grau mínimu atu asume kargu balun, dala barak nunka hetan atensaun, balun grau ki’ik maibé ba assume fali pasta ida ho grau boot.

Husi konsekuénsia sira ne’e, KFP halo remonerasaun ba saláriu no subsídiu ba iha kargu diresaun xefia.

Uluk iha sistema pakote, maibé agora uza grau. Ho ida ne’e mak KFP halo remonerasaun.

Remonerasaun ne’e hahú husi dolar 2 to’o 100 resin, kona ba saláriu KFP la halo remonerasaun maibé aumenta tan.

Independente
PARTILHAR

Author: verified_user

Publicação luso-timorense sem fins lucrativos

0 comentários: