DILI,
(TATOLI) – Primeiru-Ministru (PM), Rui Maria De Araújo apela ba povu tomak
nu’udar sidadaun ne’ebé iha direitu no rejistadu ona, bainhira partisipa iha
eleisaun parlamentar 2017-2022 vota ho konsensia hodi hili partidu ne’ebé sei
iha parlamentu no sei iha governu durante tinan lima mai.
“Tenke
utiliza oportunidade atu ezerse direitu sidadania. Apela ba povu tomak liu-liu
ba eleitor sira, utiliza oportunidade ne’e atu ezerse direitu sidadania hodi
hili partidu ne’ebé sei iha parlamentu no sei iha governu durante tinan
lima mai,” PM Rui Maria de Araújo fó sai ba Jornalista sira hafoin remata
reuniaun Konselhu Ministru (KM) iha Palásiu Governu, Tersa (18/07).
Vota
ho konsensia signifika. vota tuir saida mak fiar katak los liu no bele hodi
Timor-Leste la’o ba oin ho referensia ba kompremisiu polítiku ne’ebé durante
ne’e partidu sira halo liuhosi kampanha komísiu, diálogu, partidu sira tama uma
sai uma no debate sira iha televizaun, durante periodu kampaña.
Ba
sidadaun sira ne’ebé statuta nu’udar funsionariu públiku, Xefi governu dehan,
sei iha toleransia pontu iha loron 21 Jullu, ho objektivu atu fasilita
funsionariu sira bele fila ba ida-idak nia suku atu vota iha sira nia suku.
Tanba Infelizmente barak mak lahetan oportunidade, barak mak la uza
oportunidade ne’ebé estadu fó atu atualiza sira nia dadus mai fatin votasaun,
barak mak apresenta razaun la’ós de’it funsionáriu sira, maibé sidadaun
bain-bain mós barak mak aprezenta razaun ne’e.
Entertantu
eleisaun parlamentar tuir agenda sei realiza sei hala’o iha loron 22 Julhu
semana ida ne’e.
Jornalista:
Julia Chatarina | Editór: Manuel Pinto
Foto:
PM, Rui Maria de Araújo
Sem comentários:
Enviar um comentário