terça-feira, 18 de julho de 2017

PUDD Sei Hasai Povu Husi Diskriminasaun

PARTILHAR
DILI - Karik povu fiar kaer ukun, Partidu Unidade Dezenvolvimentu Demokratiku (PUDD) nia programa, ida maka atu halakon diskriminasaun husi povu nia leet, hateten Vise Prezidente PUDD Gaspar Afonso liu husi debate publiku iha Edifisiu CNE Kolmera, Dili, Segunda (17/7/2017).

Partidu PUDD moris hakarak atu hasai povu kbit laek sira nia moris nebe durante nee moris iha diskriminasaun husi ema seluk. Ida nee katak injustisa tamba nee maka iha intensaun atu hadia no hamos husi TL.

Programa seluk ka agirkultura inovativu no iha duni intensaun atu hadia sistema saude no edukasaun nebe nakonu ho diskriminasaun. Tenki liberta duni povu ida nee hanesan saida maka kualia ona iha konstituisaun RDTL atigu 16, artigu 21. Katak ema hotu iha direitu hetan edukasaun nebe diak no marjenilidade.

PUDD mosu laos atu kompete maibe atu hadia, halos, no hatutan. Nunee mos kumplemta deit buat nebe mak sedauk diak iha povu nia matan. Lideres no militantes partidu nee nian involve mos ema difisientes sira ho intensaun atu hasai maluk difisientes sira husi nakukun ba naroman ida nee maka mehi ida.

Hadia sistema edukasaun realidade nebe hatudu iha terenu katak alunus sira atu hatene ka lahatene naran katak tuir ijame ida nee tenki hadia. Hadia parte saude nian no tenki hadia kualidade edukasaun nebe diak husi ensinu bajiku to ba iha universidade. Iha mos intensaun atu hari hospital internasional iha Timor atu ema Timor labele estraga osan halo tratamentu iha rai liur.

“Partidu ida nee mai laos atu compete maibe mai atu hadia, halos, no hatutan buat nebe lao lalos. Hari agrikultura inovativu, edukasaun ho nia kualidade, saude nebe diak. Nunee mos tenki hari hospital internasional atu ema Timor moras labele halo tratamentu saude ba iha rai liur. Tamba nee husu ba povu sira atu fo votus konfiansa liliu ba maluk sira difisientes ida nee imi nia partidu hili ba,”nia dehan.

Prezidente Partidu Fretilin Mudansa (FM) Jose Luis Guterres dehan partidu nee mosu hakarak halo mudansa ba povu nia vida moris. Partidu nee nia kompremisiu politikus maka hakarak dezenvolve rekursu humanus iha Timor Leste. Hakarak hari 120.000 empregu iha rai laran atu fasilita jovens no ema Timor oan tomak.

Hare ba fundus minerais nebe iha katak osan husi Biloens 8 no benefisiu husi osa nee hetan deit pursentu ida kada tinan. Karik partidu nee maka povu fo fiar no kaer governu maka sei lori osan nee mai tau iha banku Timor hodi bele aijuda fo kreditu ba ema empreja, seitor agrikultura, no ba jovens sira atu bele dejenvolve vida.

Programa seluk maka tenki hasae salariu ba funsionariu publiku sira nian ba 35% nomos tenki kria empregu laos deit iha rai liur deit maibe tenki iha prerioridade atu kria empregu iha rai laran atu ema hotu bele servisu. Tamba nee maka tenki hadia edukasaun, hadia profesores sira nia vida, kria infraestruturas nebe diak no komunikasaun sosial nebe diak mos.

 “Frente mudansa mosu iha intensaun ida atu halo mudansa ba povu ida nee nia vida moris. Ami nia komprimisiu politiku maka hakarak atu dezenvolve rekursu humanus nebe diak. Loke empregu ba ema timor oan, hadia edukasaun, hadia salariu funsionariu, komunikasaun sosial no hadia difisientes sira nia vida moris,” nia dehan.  Justinho Manuel

Suara Timor Lorosae

PARTILHAR

Author: verified_user

Publicação luso-timorense sem fins lucrativos

0 comentários: