Karik BUP Kaer Ukun, Sei Loke Bairo Foun

DILI - Karik povu fo fiar ba Bloku Unidade Popular (BUP) kaer ukun, sira nia governasaun sei harii uma no loke bairo foun. Objetivu programa nee, hakarak dignifika populasaun liu husi seguransa social, hateten Vice Prezidente Partidu BUP Cecilio Caminho iha debate publiku neebe halao iha Edifisiu CNE Kolmera, Dili Segunda (17/7/2017).

Programa seluk neebe iha ona no realija dadaun ona maka hahu oferse ona kareta ambulansia ba sentru saude sira iha munsisipiu balu. Kareta ambulansia hirak nee uja osan rasik hodi sosa kareta nee ida nee. Partidu nee fo aijuda ambulansia sira nee tamba durante nee hare iha terenu katak servisu saude fraku teb-tebes durante tinan 15.

Agora kualia konaba loke bairo foun ou suku foun nee itegradu katak bairo foun nee loke populasaun sira iha neba labele laran susar ona konaba saude, edukasaun. Partidu ida nee kaer governu karik laos kalan toba hader mai hakerek deit maibe, sei halo peskija durante tinan ida atu bele indentifika problema povu nian iha baje.

"Karik povu fo fiar ami kaer governu liu husi elisaun nebe maim aka ami sei implementa ami nia programa sira maka hanesan loke, bairo foun nebe integradu ho uma kedas. Laos nee deit maibe bairo foun nee iha kedas ona klinika, edukasaun no sleuk tan. Programa nebe realija ona maka hahu fahe ona ambulansia ba munisipiu sira ho finanseiru rasik,”nia dehan.

Sekertariu Jeral partidu MLPM Reis Kadalak dehan liu husi programa politiku maka sei hari kumpania estadu atu bele aijuda povu maubere tomak atu ho mehi ida katak tenki moris diak iha ukun an nee. Kumpania estadu ho intensaun atu halakon dejempregu iha nasaun ida nee. Kualia konaba hasae salariu ba funsionariu sira no trabalhadores sira nian.

Laos nee deit iha tan programa seluk maka hanesan hadia kualidade edukasaun, saude nebe diak ba povu ida nee. Intensaun ida nee maka karik povu fo fiar liu husi elisaun jeral nebe mai maka partidu nee promete atu lori edukasaun nee besik liu ba povu nia leet. Nunee mos ho kualidade dukasaun nebe diak.

“Karik povu rasik fo votus konfiansa ba ami tur iha parlamentu no kaer governu maka ami sei hadia saude sistema saude sira nebe agora dadaun lao ladun diak. Realidade nebe mosu agora maka moras maka ba bukla dotor no infremeira sira maibe, maibe governu MLPM sei realija dotor maka buka moras,”nia dehan. Justinho Manuel

Suara Timor Lorosae