sexta-feira, 4 de agosto de 2017

CNRT la klarifika pozisaun kona-ba Governu to'o findesemana

PARTILHAR
Sekretáriu-jeral CNRT nian hatete ona, iha loron-kinta ne'e, katak partidu daruak ne'ebé hetan liu votu iha loron 22 Jullu sei desidi de'it atu apoia, ka la'e, formasaun ba Governu tuirmai hafoin konferénsia partidáriu iha findesemana.

"Hahú aban [loron-sesta] iha konferénsia ida. No hafoin ne'e maka iha rezultadu ida no ami tenki respeita vontade hosi konferensista sira", afirma hosi Francisco Kalbuadi iha deklarasaun sira ba jornalista sira iha Palásiu Prezidensial iha Díli.

Francisco Kalbuadi ko'alia hafoin reuniaun ida ne'ebé durante besik minutu 30 ho Prezidente timoroan ne'ebé hahú rona ona partidu eleitu sira ba Parlamentu Nasional hodi harii governu foun tuirmai.

Ba dala rua dezde eleisaun sira loron 22 Jullu nian, xefe Estadu timoroan konvida ona prezidente Xanana Gusmão ba reuniaun ida maibé nia la ba palásiu maibé haruka sekretáriu-jeral, Francisco Kalbuadi, maka reprezenta nia fatin.


"Konviti hosi señór Prezidente haruka ba partidu. Ha'u iha ne'e, nu'udar sekretáriu-jeral no visi-prezidente dahuluk (Vergilio Smith)", Kalbuadi esplika.

Kalbuadi hatete ona katak xefe Estadu repete fali apelau hodi forsa polítika sira hanoin "interese nasional no la'ós hosi partidu nian" no garanti ona katak CNRT sei respeita hanoin ne'e.

"Importante liu maka povu ho nasaun nia interese, estabilidade nasional", nia hatete maibé la avansa senáriu ida.

Congresso Nacional da Reconstrução Timorense (CNRT) hanoin atu halo entre loron-sesta no loron-domingu Konferénsia Nasional ida, ne'ebé lideransa partidu nian sei defini pozisaun ne'ebé maka sira sei hili kona-ba formasaun hosi Governu konstitusional dahitu nian.

Iha lejislativu, CNRT hetan ona fatin 22 iha parlamentu, menus fatin ida ne'ebé hetan hosi Frente Revolucionária de Timor-Leste Independente (Fretilin), ne'ebé hetan fatin 23. Eleitu mós deputadu na'in ualu hosi Partidu Libertasaun Popular (PLP), na'in hotu hosi Partidu Demokrátiku (PD) no na'in lima hosi Kmanek Haburas Unidade Nacional Timor Oan (KHUNTO).

Francisco Guterres Lu-Olo hanoin ona atu simu líder hosi PLP no antesesór iha prezidénsia, Taur Matan Ruak, no iha loron-sesta sei simu lideransa sira hosi PD ho KHUNTO.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: