Posibilidade, Mosu Governu Insedensia Parlamentar

DILI – Iha konstituisaun Republika Demokratika artigu 85 alinea d, kona ba kompetensia Prezidente Republika nian dehan foti no fo posse ba Primeiru Ministru neebe partidu eh aliansa partidu sira ho maioria parlamentar sei foti, uainhira rona partidu politiku sira nee iha Parlamentu Nasional.

Partidu Fretilin rasik iha senariu tolu hanesan governu koligasaun neebe mak akumula partidu iha mayoria simples hodi prense 50,1% iha Parlamentu nasional no senariu, segundu Governu Insedensia Parlamentar neebe tuir Fretilin akontese ona iha tinan rua durante fretilin halo ho partidu CNRT iha parlamentu nasional no terseiru mak guvernu inkluzaun neebe akumula partidu politikus, akademika no intelektuais, segundu mosu Posibilidade, mosu, terseiru.

Adjuntu Sekretariu Partidu Fretelin, Jose Reis, esplika wainhira iha debate Publiku Dili Demokrasia Forum (DDF), neebe realiza iha estudiu 2 STL, Osindio Surik Mas, Kuarta (02/08/2017).

“Ida nee, sei liu husi Parlamentu hahoris governu insedensia parlamentar katak Fretilin ninia programa politika kontinua lao no mantein, signifika katak pograma partidu nian konvida membrus husi partidu seluk iha kompetensia atu halo admistrasaun iha ministeriu sira Fretilin loke dalan,” dehan Jose.

Nia hatutan, foin dadaun iha eleisaun Portugal nian partidu Sosialista ukun ho governu minoritaria neebe mak hetan apoiu husi Parlamentu Nasional husi partidu bloku esquerda no seluk tan maske partidu rua nee ninia membru la tuir iha governasaun maibe fo apoiu deit ba orsamentu atu dudu dezenvolvimentu lao ba oin.

Iha fatin hanesan, Vise Sekretariu Ezekutivu, Rui Menezes katak dala ida tan PD la iha ideia ruma kona ba ida nee katak governu insedensia parlamentar, se karik ida nee hanesan mensajen partidu mais votadus para atu halo ninia modelu governasaun ba ida nee. Domingos Piedade/Natalino Belo/Carme Ximenes

Suara Timor Lorosae