CNRT Hili Opozisaun Iha Periodu 2017-2022

DILI, (TATOLI) - Prezidente Partidu Kongresu Nasionál Rekonstruksaun Timor-Leste (CNRT) Kay Rala Xanana Gusmão deklara iha abertura konfrensia nasionál iha Sentru konvensaun Dili, ohin, Sesta (04/08) CNRT sai opozisaun ba periodu 2017-2022, tanba komitmentu politika.

“CNRT diside sai de’it Oposisi iha Parlamentu Nasionál (PN) hodi kontribui prosesu konstruksaun no dezenvolvimentu Timor-Leste hodi hamtein tranzisaun demokratiko iha pais ida ne,” Kay Rala Xanana Gusmão deklara iha nia diskursu abertura, foin lalais ne’e.

Nu’udar opozisaun Xanana dehan, prezensa CNRT iha Parlamentu hanesan opozisaun sei kontribui ho posetiva no konstruktiva hodi servi nasaun doben Timor-Leste.

Lori Partidu CNRT nian naran, Xanana Gusmão hato’o parabens ba partidu FRETILIN ba oportunidade di’ak ne’ebé povu diside liuhosi rejultadu eleisaun nudar partidu vensedor hodi kaer ukun.

“Ba CNRT Ha’u deklara sei la simu proposta atu ukun ou halo koligasaun. Rajaun katak, CNRT hakarak hatur didiak valor demokratiku iha sosiedade no povu tomak,” Xanana deklara.

Hodi hatutan, rezultadu eleisaun hatudu katak povu husu alternansia ukun, tan ne’e hodi partidu CNRT nia naran Ha’u kongratula FRETILIN nudar partidu vensedor iha eleisaun lejislativa ba preiodu 2017-2022. CNRT deseja susesu barak iha FRETILIN nia mandatu tinan lima mai ne’e.

Husu ba membru VI governu konstitusionál, liu-liu ne’ebé mai hosi partidu CNRT atu prepara relatoriu hodidi’ak nune’e bele engrega ba governasaun FRETILIN nian bainhira estruktura VII governu simu pose.

Entertantu atu legaliza deklarasaun Prezidente Partidu CNRT katak, CNRT hela ba opozisaun Xanana husu ba konfresista sira ita hasai resoluzaun ida.

“Iha konfrensia ne’e ha’u konvida hasai rezolusaun ida hodi dehan katak, tanba CNRT lakon iha eleisaun. CNRT hakarak metin ka fiel ba nia liafuan Konsistensia polítiku entre saida mak CNRT fó sai katak lahetan 32 kadeira hela ba opozisaun,” Xanana husu.

Hodi kontinua observa no halo analiza katak, CNRT lakon iha eleisaun tanba CNRT lakonse alkansa numiro simpatizante tuir dadus ne’ebé aprejenta iha kongresu antes ne’e, povu la vota mak barak, fi’ar an demais tama iha kampaña ema barak mak partisipa, militante CNRT afilia ba partidu seluk, povu lakonsege simu programa CNRT nian, no povu la fi’ar programa CNRT tanba rezultadu tinan 10 CNRT ukun hatudu mó-mós CNRT la iha kapasidade atu ka’er ukun.

Nune’e nudar Prezidente Partidu Xanana husu liuhosi konfrensia durante loron tolu ne’e estruktura hotu-hotu tenki onestu fo sai relatoriu kona ba difikuldade no problema ida-idak hasoru hodi nune’e kria debate atu hatene CNRT nia lakon ne’e hun iha ne’bé no sanak iha ne’ebe nune’e politiku sira iha CNRT laran bele iha konsensia no senseriadade ba nia hahalok rasik.

“Tenki buka hatene??? Se ita la manan absoluta oinsa ita hanoin ba grupo ne’ebé mosu iha fatin bar-barak dehan apoia CNRT,” Xanana husu tan.

Hodi halo tan analiza katak, maioria povu la fi’ar ba programa CNRT nian, rajaun mak  numiro votante tun, grupo sira ne’ebé mak dehan fó apoia CNRT sira reprejenta sira nia an de’it, povu la monu ona ba figura hanesan figura Xanana iha CNRT agora povu matenek ona no partidu tenki respeita povu nia matenek.

Seluk fali mak maioria povu hatudu katak, sira hakarak, alternativa di’ak ida ba nasaun doben ida ne’e. hodi bele muda sira nia kondisaun moris tanba CNRT lakonsege fó fi’ar katak bele hadia rai ida ne’e durante tinan 10.

Nune’e mós maioria povu hatene ona, CNRT la iha kbit atu ukun, “Ne’e la’ós sembaranganmaibé ida ne’e fakta,” Xanana dehan.

Manuel Pinto | TATOLI