Pelumenus
ema na'in 801 mate ona iha súl Filipina nian, hafoin kombate durante fulan tolu
resin iha Marawi, ne'ebé ezérsitu prepara asaltu final hasoru estremista sira
Estadu Islámiku nian, fó sai hosi notísia iha loron-sesta ne'e.
Vítima
mortal sira inkluo rebelde na'in 620 no soldadu na'in 136, aleinde ema sivil
na'in 45, fó sai hosi komunikasaun lokal sira, ne'ebé haktuir balansu ofisial
foun ne'ebé maka Forsa Armada fó sai iha loron-kinta kalan.
Ema
rihun 360 resin, metade maka labarik sira, kontinua hanesan deslokadu tanba
konflitu ne'ebé hahú dezde 23 Maiu, haktuir hosi organizasaun Asaun hasoru
Hamlaha.
Ezérsitu
filipinu garanti ona katak iha kombatente rebelde sira, kalkula hamutuk
limanulu resin, ne'ebé maka metin iha área ida 500 metru kuadradu hosi bairu
ida iha sentru Marawi nian.
Maski
militar sira informa ona katak besik hakotu ona preparasaun ba asaltu ikus,
sira la avansa loron ida ne'ebé maka sei halo atake definitivu.
Konflitu
hahú iha loron 23 Maiu, bainhira membru atus resin hosi movimentu filipinu
Maute, aliadu hosi grupu radikal Estadu Islámiku, apoia hosi estremista lokal
no estranjeiru sira kaer iha arma sira, sunu edifísiu governamental oioin no
kaptura refén sira, kaer ona kontrolu iha Marawi.
Ezérsitu
justifika ona avansu neineik hodi liberta Marawi, iha ema sivil maka rebelde
sira mantén hanesan eskudu ema sira nian ne'ebé kalkula agora daudaun ba na'in
50.
SAPO
TL ho Lusa
Sem comentários:
Enviar um comentário