Michel
Temer, prezidente Brazil nian, hahú iha loron-sesta vizita ofisial ida ba Xina,
ne'ebé hein atu dada investidor xinés sira ba projetu ambisiozu ba
privatizasaun sira iha nasaun iha tinan 20, ne'ebé inklui portu sira, estrada
sira ho aeroportu sira.
Temer
iha loron-sesta ne'e hasoru malu ho nia homólogu xinés, Xi Jinping, no
primeiru-ministru Xina nian, Li Keqiang, antes partisipa iha fórum hosi grupu
ekonomia emerjente sira BRICS (Brazil, Rúsia, Índia, Xina ho Áfrika-Súl), iha
sidade Xiamen, iha kosta leste Xina nian, entre loron 03 no 05 Marsu.
Iha
deklarasaun ba televizaun estatal xineza CCTV, Prezidente Brazil nian asumi ona
hanoin katak hakarak dada empreza xineza sira hodi partisipa iha pakote
privatizasaun sira ne'ebé nia Governu lansa.
"Sei
di'ak tebes mai ami", governante ne'e hatete, liutiha semana ida hafoin
anúnsiu hosi ativu hamutuk 58 ne'ebé maka sei privatiza, inklui fornesedor boot
enerjia hosi Amérika Latinu, Eletrobras, no lukrativu terminal hosi Congonhas,
iha São Paulo.
Vizita
ne'e halo iha tempu ne'ebé maka informasaun ofisial sira hatudu katak Xina
kontribui ona, iha fulan neen dahuluk tinan 2017 nian, ba kuaze 25% hosi
esportasaun oioin brazileiru nian, hatudu importánsia hosi nasaun aziátiku ne'e
ba ekonomia brazileiru nian.
Iha
tinan 2009, Xina sai ona hanesan parseiru ekonómiku prinsipal Brazil nian,
halakon Estadus Unidus, no nia investidor esternu boot.
Iha
tinan hirak ikus ne'e, empreza xineza boot balun aumenta mós prezensa iha
Brazil.
State
Grid de'it, ne'ebé iha Portugal kaer 25% hosi REN (Rede Elétriku Nasional),
ohin loron metade hosi nia ativu sira iha esterior iha Brazil, haktuir
informasaun sira ne'ebé fó sai iha jornal ofisial xinés, Diáriu Povu nian.
Asionista
xinés EDP, China Three Gorges, iha mós prezensa maka'as ida iha Brazil, inklui
direitu sira hodi halo operasaun ba sentral hidroelétriku boot rua nasaun nian,
iha Illa Solteira no iha Jupia.
Grupu
Fosun, asionista boot hosi banku Millennium BCP, no ne'ebé kaer 85% hosi
seguradora Fidelidade no konta ho partisipasaun hosi 5,3% iha REN, iha tinan
liubá sosa ona Rio Bravo, empreza boot ida hosi Brazil iha área jestaun
investimentu sira nian.
Bloku
hosi ekonomia emerjente boot sira BRICS kompostu hosi Brazil, Rúsia, Índia,
Xina ho Áfrika-Súl.
SAPO
TL ho Lusa
Sem comentários:
Enviar um comentário