Imunidade Labele Impede Kombate Korupsaun

DILI – Governu foun presija dezenvolve mata dalan ida atu kualifika imunidade nee, hodi uza iha situasaun saida. Tanba imunidade labele sai hanesan impedimentu ida ba kombate korupsaun.

Deklarasaun nee fo sai husi Diretor Judicial System Monitoring Program, Luis De Oliveira Sampaio ba Jornalista sira iha nia kanar fatin Colmera, Kuarta, (13/09/2017).

"Primeru ministru se hakarak kesi sira nia prinsipiu 6H nee, ida mak hamos korupsaun tenke kordena ho pralamentu nasional atu kombina,  oinsa mak mata dalan nee bele aplika ba membru governu no membru parlamentu nasional,  tanba ema neebe tur iha parlamentu nasional  ema koligasaun nian,  sira hotu tenke iha komitmentu hanesan hamos korupsaun no imunidade labele sai hanesan impedimentu ida ba kombate korupsaun nee, ” hateten Luis.

Nia afirma tan, durante nee sira nia observasaun iha konfujaun lobuk ida, konaba asuntu imunidade ba membru  governo sira, membru governu barak neebe mak iha indisus didugadeskonfia envolve iha krime ruma,  sira la ba hatan iha tribunal ho argumentu katak, sira iha imunidade mas interpretasaun neebe mak lalaos. Buat neebe mak loos nee,  imunidade proteje sira  hanesan membru governu no parlamentu, no proteje bainhira halao sira nia servisu nee.

Maibe imunidade la aplika bainhira iha indisus, ka iha petunjuk ruma iha indikasaun ruma katak, sira komete krime Tanba membru parlamentu nasional, sira iha rejementu ketak.

Sampaio sujere, VII goventu foun atu bele dezenvolve mata dalan ida atu kualifika imunidade nee atu uja iha situasaun saida. Tanto ba membru governu no mos membru parlamentu nasional sira, no labele uja imunidade sai hanesan impedementu ida atu  kombate korupsaun.

Nunee uja imunidade atu halao sira knar, no fo sira nia votu, mesmu votu nee kontrariu ho ema seluk nia hakarak. Atu halo deklarasaun politiku, atu fo sira nia kritika, iha deskusaun no debate iha parlamentu nasional ika komisaun neebe sira pretense ba, nee mak uja imunidade. Maibe la uja imunidade atu proteje an.

Iha fatin seluk, finalista FCS UNTL Julia Mano Soares hateten, se deit mak envolve iha krime, tenke ba hatan iha tribunal, maske servisu iha instituisaun estadu. Tanba iha nasaun ida nia laran, iha prinsipiu importante lei mak regula ema hotu.

"Ema hotu iha lei nia okos, se deit mak envolve iha krime tenke hatan ba tribunal. Liu liu sira neebe servisu iha instituisaun estadu, bainhira halo sala ba hatan, atu bele hetan justifikasaun lolos, nasaun demokratiku maibe iha lei atu regula ema hotu, ” esplika Americo.

Nia salienta, nasaun demokratiku, maibe iha nia lei rasik. Se mak la kumpri nia sala, atu ba hatan iha tribunal, buka meius oin seluk atu haree ida nee. Maibe hanesan Timor oan, diak liu kontribui ba justisa atu bele kria estabilidade iha rai laran. 

Terezinha De Deus | Suara Timor Lorosae