Asosiasaun kabu-verdianu lansa plataforma hodi divulga oportunidade sira iha CPLP

Asosiasaun juvenil kabu-verdianu Geração B-Bright lansa iha loron-kinta ne'e, iha sidade Praia, plataforma online ida hodi halibur informasaun oioin iha nível global maibé ho foku iha oportunidade sira iha Komunidade hosi Nasaun sira ho Lian Portugeza (CPLP).

Iha deklarasaun sira ba ajénsia Lusa, líder hosi Geração B-Bright, Luís Duarte, indika ona katak portal (www.oportunidadescplp.com) sei hanesan "agregador ida hosi konteúdu sira" kona-ba oportunidade no informasaun oioin iha nível global, ho destake mós ba Nasaun Afrikanu sira ho Lian Ofisial Portugeza (PALOP).

Responsável avansa ona katak "site" sei halibur informasaun sira hosi bolsa sira estudu nian ba lisensiatura, mestradu ho doutoramentu, konkursu sira, serbisu, prémiu sira no estájiu sira.

"Buat ne'ebé ami hakarak maka divulga no demokratiza informasaun sira, relasionadu ho oportunidade global sira, ne'ebé to'o agora ladún organizadu no sistematizadu, hamutuk ho interveniente oioin iha ámbitu hanesan", nia hatutan no hatete katak objetivu maka "hetan tan joven sira".

Plataforma sei iha mós área ida dedikadu ba publikasaun hosi entrevista sira no konteúdu audiovizual sira ho joven sira ne'ebé hetan ona benefísiu hosi oportunidade sira ne'ebé oferese iha nível global ho rejional.

Luís Duarte subliña ona katak diferensial hosi plataforma maka "linguajen simples" no diresionadu ba joven sira, hodi hetan lalais konteúdu sira, ne'ebé dalabarak sira laiha asesu iha Cabo Verde.

Asosiasaun B-Bright sei jere portal, ne'ebé iha nia lansamentu sei iha konteúdu hamutuk 51, maibé Luís Duarte hatete ona katak objetivu maka hametin ekipa atual, ho ema na'in 15, no aumenta valor ne'e, aproveita vantajen sira hosi teknolojia foun sira hosi informasaun ho komunikasaun nian.

Líder hosi Geração B-Bright hatete ona katak inisiativu ne'e hetan daudaun "aseitasaun di'ak ida" iha parte joven kabu-verdianu sira no iha públiku iha nível jeral no kobertura barak iha imprensa lokal.

O líder da Geração B-Bright disse que a iniciativa está a ter uma "excelente aceitação" na camada juvenil cabo-verdiana e no público em geral e bastante cobertura na imprensa local.

To'o agora eventu boot, ne'ebé halo iha Marsu, maka TEDx Praia, programa ida hosi palestra sira ne'ebé dedika ba divulgasaun ideia sira ne'ebé hakarak liga Cabo Verde ba mundu no ba nia diáspora.

SAPO TL ho Lusa