Ezekusaun orsamental real iha Timor-Leste maka 51,7% de'it iha final Setembru

Ezekusaun orsamental real (pagamentu ne'ebé hala'o duni) hosi konta públika timoroan nian maka, to'o trimestre datoluk nia rohan, maka 51,7% de'it hosi total orsamentadu, hatete hosi informasaun hosi Portal Transparénsia Ministériu Finansa nian ne'ebé maka observa hosi Lusa.

Informasaun sira hatudu impaktu ne'ebé períudu eleitoral, iha Marsu hala'o ona prezidensial sira no iha Jullu hala'o lejislativu sira, hamosu iha ezekusaun orsamental nasaun nian, iha tempu ne'ebé Governu foun prepara Orsamentu retifikativu ida ne'ebé labele aumenta total orsamentadu ba tinan ne'e.

Iha konkretu no hafoin fulan sia governasaun nain Estadu selu ona total ida dolar millaun 717,12, hosi total orsamentadu ida ba tinan tomak ho folin dolar millaun 1.386,8.

Ezekusaun total, ne'ebé tau hamutuk ho pagamentu sira ne'ebé halo ona no obrigasaun sira, kontratadu maibé seidauk seluk, maka dolar millaun 837,81 ka 60,4% de'it, haktuir hosi informasaun hanesan.

Ba folin ne'e, Estadu sei tau hamutuk mós kompromisu sira ho dolar millaun 216,48.

Iha kazu hosi reseita sira (la'ós petróleu nian), Portal Transparénsia konfirma katak hafoin fuan rua dahuluk hosi fulan sira iha tinan ne'e rekolla de'it reseita previstu ne'ebé oituan tebes.

Iha konkretu, reseita akumuladu sira hahú hosi inísiu tinan ne'e maka dolar millaun 83,19 ka 59,6% hosi total previstu ne'ebé aumenta ba dolar millaun 206,24.

Governu konstitusional dahitu asumi ona funsaun sira iha loron 15 Setembru, loron ne'ebé membru na'in 12 hosi ezekutivu simu pose, ho grupu daruak hosi membru sira Governu nian simu pose iha loron-tersa ne'e.

Ezekutivu karik sei konklui iha semana oinmai no Programa Governu nian sei to'o iha Parlamentu Nasional antes loron 15 Outubru.

SAPO TL ho Lusa