DILI,
(TATOLI) – Ministra Solidariedade Sosiál (MSS), Florentina Smith
informa ministériu elabora ona planu prioridade ba tinan lima nian, 2017 to’o
2022 mak kontinua Planu Estratéjiku Dezenvolvimentu Nasionál (PEDN).
Nia
esplika, PEDN ne’e refleta ba situasaun reál ne’ebé mak ministériu atu
implementa hanesan seguransa sosiál, servisu sosiál, asuntu kombatente
libertasaun nasionál.
Ida
ne’e, papel ministériu tenke hala’o no tenke kontinua tanba ida ne’e kompromisu
no tama ona iha planu asaun to’o dezembru.
Pontu
daruak mak MSS elabora planu foun, haree polítika ba MSS, haree polítika ida
ne’ebé mak ko’alia kona-ba polítika sustentabilidade ekonómika.
Katak
fó atendimentu ba públiku liuhusi servisu sosiál ba grupu vulnerável sira,
defisiénsia sira no parte seluk hodi hakbiit nafatin sira, la’ós de’it hanesan bolsa
da mãe, la’os de’it pagamentu ba idozu sira, ba asuntu veteranu sira ka asuntu
sosiál sira seluk maibé bele mós prepara sira atu aban bainrua sai grupu ne’ebé
di’ak liu.
Grupu
defisiénsia sira mós alende atividade sosiál ne’ebé sira hetan sira mós hala’o
atividade ne’ebé mak fó rendimentu ba sira atu nune’e bele asegura
sustentabilidade ekonómika iha sira-nia grupu rasik ka iha kbiit rasik.
“Planu
ami sei prepara iha tempu badak, sei prontu i mídia bele akompaña besik
liutan”, informa tan governante ne’e.
Nia
mós akresenta komprimísiu polítiku, polítika sira kontinua hala’o sira-nia
serbisu tuir komprímisu eleitorál ne’ebé mak iha. “Tau mós konsiderasaun ba
planu estratéjiku dezenvolvimentu ne’ebé mak oras ne’e iha”, nia hakotu.
Entretantu
programa no medida xave 2017 to’o 2022 komprimísiu polítiku, proposta MSS nian
mak estimula kriasaun negósiu auto-sufisiente ba feto vulnarável violénsia
doméstika no violénzia bazea ba jéneru, estimula kriasaun negósiu
auto-sustentável ba sidadaun ho defisiénsia.
Tuir
mai, programa asesibilidade ba ema ho defisénsia, reajustamentu bolsa da
mae, sistema integradu seguransa sosiál, inkluzaun iha konflitu ho lei,
programa kooperasaun entre estadu no instituisaun estadu no solidariedade
sosiál.
Estimulu
kriasaun negósiu auto-sustentável ba veteranu, loke hikas rejistu veteranu sira
no garante veteránia ho defisiénsia tenke rekoñesidu no dignifikadu.
Fornese efetiva no efisiente liutan distribuisaun medikamentu.
Jornalista:
Rafy Belo | Editora: Rita Almeida
Foto:
Ministra Solidariedade Sosiál (MSS), Florentina Smith. Foto António Goncalves
Sem comentários:
Enviar um comentário