Mari Larekoinese Mosaun Sensura

DILI - Primeiru Ministru Mari Alkatiri larekoinese musaun sensura neebe maka hatama husi Oposzaun Maioria Parlamentar (CNRT,PLP no Khunto).

“Seidauk mais hau mos lakoi ansi atu simu mosaun sensura, tanba hau larekoinese mosaun nee rasik,” dehan PM Mari ba jornalista sira, iha palasiu Prezidente Aitarak laran, Kinta (30/11/2017).

Iha parte ketak Prezidente Partidu PD ataual Ministru de estadu e Ministru de Rekursus e Minerais Mariano Assanami Sabino hateten, Mosaun sensura nee kontituisaun iha dalan maka atu hato, problema interese nasional, problema mosaun sensura nee aprezenta programa, ou problema programa lao hela sira halo verifikasaun ba programa nee lalao, depois presiza mosaun ida para atu sensura ba Governu.

Tanba mosaun nee iha tipu rua, ida mosaun konfiansa, ida mosaun rejeisaun nee bain bain, kuandu programa aprezenta nee halo mosaun rejeisaun ka ou konfiansa. Problema Governasaun lao hela purexemplu programa balu lao, lao latuir dalan maka kuandu ba fali iha Parlamentu bele mosu fali mosaun nee kontituisaun fo dalan ba ida nee.

Nia dehan, Se hare husi programa neebe maka Governu aprezenta nee kuaze ladun iha rajaun para atu halo mosaun sensura, tanba programa neebe maka aprezenta husi Governu nee program neebe maka foti husi ejekusaun planu estratejiku dezenvolvimentu nasional ba tinan lima nian.

Entretantu Xefi bankada PLP Fidelis Magalhaes hateten, Oposizaun Maioria Parlamentar hatama mosaun sensura, tanba Governu seidauk lori falu programa ba Parlamentu Nasional. 

Carme Ximenes/Maria Lay | Suara Timor Lorosae