Governu Lakoi Halo Funsionariu Kontratadu Sai Vitima

DILI - VII Governu neebe maka lidera husi Primeiru Ministru Mari Alkatiri, lakoi halo funsionariu kontratadu sai vitima, maibe buka mekanismu oinsa atu bele rejolve problema neebe maka sira hasoru.

Primeiru Ministru Mari Alkatiri hateten, Kontratu bainhira iha osan, halo kontratu mosu fali tusan nee lahalo, laos ameasa funsionariu kontratatu sira, maibe Governu hare osan iha ka laiha bele halo kontratu ho funsinariu hirak nee to fulan hira.

Hau kontratu bainhira iha osan, halo kontratu mosu fali tusan hau lahalo, hau laos ameasa funsionariu kontratatu sira, ami hare osan iha ka laiha bele halo kontratu ho sira to fulan hira, tanba ami lakoi funsinariu hirak nee maka sai fali vitima,” dehan PM Mari, ba jornalista sira, bainhira remata inkontru ho PR Francisco Guterres Lú Olo, iha Palasiu PR, Bairo-Pite, Dili, Kinta (14/12/2017).

Xefi Governu hateten, Kuandu bele halo ba fulan ida halo tan fulan ida, se bele halo ba fulan rua halo tan ba fulan rua, nunee mos bele halo ba fulan tolu Governu sei halo tan ba fulan tolu.Tanba lalika laran taridu lai, tanba Governu estuda hela oinsa atu rejolbe, ho osan neebe maka iha.

Iha parte ketak Juvinal Dias hanesan membru ONG Lao Hamutuk hateten, klaru katak Funsionariu kontratadu sira nee depende ba bensimentu neebe maka sira hetan nee maioria laselu husi salariu bensimentu, mais selu husi bens servisu.

Entretantu Xefi bankada PD deputada Maria Tereza Gusmao hateten, Karik OR nee lapasa funsionariu kontratadu barak kuaze ke atus resin sira labele benefisia sira nia moris, liu liu sira neebe uja osan bens de servisu labele hetan osan, tanba sira nia moris depende mos ba iha OR neebe ke atu aprezenta, dehan deputada Maria Gusmao. 

Carme Ximenes/Maria Lay | Suara Timor Lorosae