Karta Destituisaun Tribunal Mak Deside, Prazu Loron 10

DILI - Karta destituisaun neebe Prezidente Parlamentu Nasional haruka ba iha Tribunal Rekursu, no Tribunal Distrital Dili, tuir dalan neebe iha tribunal maka sei deside.

Deklarasaun nee hatoo husi Direktor JSMP Luis De Oliveira Sampaio ba STL iha nia Knar Fatin Colmera Kinta, (14/12/2017).

Husik ba prosesu nee lao mak ita bele hare, dalan saida maka maka loos liu, husik ba tribunal maka avalia dalan ida neebe maka atual presidente parlamentu nasional halo nee tuir duni rekezitus atu lori ba, ka tenki tarata iha nivel politiku parlamentu nasional husik tribunal maka sei deside,” dehan Luis.

Nia dehan, hanesan sidadaun ema hotu iha direitu atu defende nia an, iha dalan legal lejitimu tuir lei haruka, maibe la hatene prosesu sira nee, tuir rejimentu parlamentar nian, no tuir dalan hanesan nee duni ka lae, tuir konstitusaun ida neebe brevelese duni ka lae, mas tenki uja meius sira nee hotu.

Iha fatin ketak, Prezidente Majislatura Judicial Antonino Gonsalves hateten, karta destituisaun neebe haruka husi Prezidente Parlamentu Nasional, Tribunal simu ona, no agora dadaun iha ona juis titular.

Hatan konaba karta nee iha pazu ka lae, Antonino hateten, exemplu karta providensia kautelar iha prazu loron 10 hodi halo kontekstasaun. No karta providensia kautelar nia prazu badak, atu fo ba reo hodi halo kontekstasaun, depois maka juis hare no deside. Iha prazu barak, se prosesu babain nia prazu lao tuir 30 dias. 

Terezinha De Deus | Suara Timor Lorosae