DILI – Lideransa partidu politika
sira oras nee dadaun insulta malu iha kampana eleitoral, maibe povu kiik labele
monu ba jogu politika sira nee, selae ikus bele sai vitima.
Kestaun nee hatoo husi Oscar Lima
Prezidente CCT-TL katak, oras nee tempu kampana espera katak lider boot sira
hotu neebe iha 74/75, sira bele kritika malu i halo politika ida-idak tuir
direitu, maibe husu para sira atu hatun tensaun hodi aprezenta programa ba povu.
“Povu kiik labele monu ba lider
sira nia insulta malu, tanba lider sira nee iha oin sira koalia, maibe ikus mai
sira bolu malu hamutuk fali, ita kiik sira hakarak tama ba sira jogu, nee ita
mak han tebe (sai vitima), neebe diak liu lalika preokupa ho sira nia jogu
politika, maibe haree ba sira nia programa,” katak Oscar ba STL iha nia knaar
fatin Comoro, Kinta, (26/04/2018).
Nia dehan, iha eleisaun atu
deside se deit ba ukun, labele haree ba ema, labele haree ba partidu neebe
gosta no lagosta, maibe tenke hili programa neebe mak sira aprezenta.
Iha parte seluk Agustinho
Arcanjo, Reitor Interinu Institutu Superior Cristal hatete, haree ba
politika neebe mak lao iha rai laran, mezmu diferensa ideias, ka diferensa
partidu maibe iha objetivu ida deit atu halo mudansa ba povu nia moris.
Notisia kompletu lee iha jornal
STL edisaun Sesta (27/04/2018)
Guilhermina Franco / Jacinta
Siqueira | Suara Timor Lorosae
Foto: EFE/EPA/ António Dasiparu
Sem comentários:
Enviar um comentário