DILI, (TATOLI) – Prezidente
Parlamentu Nasionál (PPN), Arão Noé ho membru meza parlamentár, ohin (20/06)
hasoru malu ho Prezidente Repúblika, Francisco Guterres “Lú-Olo” hodi aprezenta
kompozisaun meza parlamentár nian iha lejizlatura da-lima.
“Depois eleitu meza parlamentár
ba kinta lejizlatura, ami informa ba prezidente no husu audiénsia atu ami bele
mai aprezenta kompozisaun meza parlamentár no funsionamentu bankada no
prioridade parlamentu nia,” PPN, Arão Noé ba jornalista sira hafoin hasoru malu
ho Prezidente Repúblika, Lú-Olo iha Palásiu Prezidensiál Bairru-Pité.
Arão Noé agradese ba Xefe Estadu,
Lu-Olo nia disponibilidade hodi simu kompozisaun meza parlamentár atu fó
kumprimentus no hato’o mós kona-ba atividade prioridade ba semana ida ka rua
nia laran nian.
“Prezidente Parlamentu Nasionál,
Normalmente kinzenál hala’o enkontru ho prezidente, nune’e ami agradese
no aprezenta estrutura ne’ebé eleitu no konstituisaun bankada parlamentár,”
Arão hateten tan.
Nune’e, ajenda prioridade
parlamentu nian iha semana ne’e liuhosi plenária estraordináriu mak atu
kompleta konstitui ba komisaun atu estruturalmente funsionamentu parlamentár
bele funsiona di’ak.
“Horisehik reuniaun hosi lider
bankada konstitui ona no aban informa ba plenária hafoin liuhosi deliberasaun
parlamentu bele konstitui tan komisaun, hafoin komisaun sira halo eleisaun meza
ba komisaun atu funsionamentu parlamentár bele la’o normál hodi prienxe
atividade parlamentár iha kinta lejizlatura.
Jornalista: Zezito Silva | Editór:
Manuel Pinto
Imajen: Prezidente Parlamentu
Nasionál (PPN), Arão Noé ho membru meza parlamentár, ohin (20/06) hasoru malu
ho Prezidente Repúblika, Francisco Guterres “Lú-Olo”
Sem comentários:
Enviar um comentário