Governu Aprezenta Falur-Sabika Ba Vise Xefi Estadu Maijor Jeneral

DILI - VIII Governu Konstitusional neebe lidera husi Primeiru Ministru Taur Matan Ruak, aprezenta proposta kandidata ema nain rua ba Vise Estadu Maijor Jeneral.

Kandidatu nain rua nee maka hanesan Brigadeiru Faur rate Laek ho Brigadeiru Sabika.Portantu proposta ba kandidata nee Ohin Primeiru Ministru Taur Matan Ruak entrega ona ba Prezidente da Republika Francisco Guterres Lu Olo, iha reniaun membru Konsellu Superior Defesa Seguransa, neebe halao iha Palasiu Prezidente Nicolau Lobato, Dili, Tersa ( 21/08/2018).

Hafoin remata reuniuan Konsellu Defesa Seguransa, Xefi Kasa Militar Koronel Antonio da Silva Maukalo ba jornalista sira katak, Prezidente da Republika ohin halao reniaun Konsellu Superior Defesa Seguransa, neebe asuntu prinsipal neebe trata hodi bele konsulta ba iha Konsellu Superior Defesa Seguransa tuir lei hateten, konaba nomeasaun Vise Estadu Major Jeneral Forsa Armadas nian, tanba tuir lei dehan katak bainhira Prezidente da Republika atu halo nomeasaun ba Xefi Estadu Major Jeneral, Vise Major Jeneral presiza konsulta ba Konsellu Superior Defesa Seguransa.

Membru Konsellu Superior Defesa Seguransa, hotu-hotu fo ona sira nia hanoin konaba nomeasaun ba Vise Xefi Estadu Major Forsa Armadas nian, neebe atu desizaun karaik intrega fila fali ba Prezidente da Republika atu deside depois iha tempu badak nia sei kolia sai, tanba tuir lei artigu 86 Konstituisaun dehan bainhira atu nomea Vise Jeneral Major karik nia tenke rona, no simu proposta mai husi Governu.

“Ita hare dehan katak bainhira Prezidente da Republika atu halo noemasaun karik tenke rona Konsellu Superior Defesa Seguransa,tanba nee maka nia rona tiha ona, I atu deside nee kompetensia Prezidente da Republika nian,” dehan Koronel Antonio ba jornalista sira, iha Palasiu PR Nicolau Lobato, Tersa ( 21/08/2018).

Nia dehan, membru Konsellu Superior Defesa Seguransa  fo sira nia hanoin, kontribui oinsa maka presizamente iha duni Vise Xefi Maijor Jeneral ida para hodi bele ajuda Xefi Estadu Maijor Jeneral, hodi bele halao funsaun lalaok Forsa Armadas nian, tanba ho Ezonerasaun Vise Xefi estadu Major Jeneral uluk agora atual Ministru nia sai tiha husi neeba husik hela fatin mamuk iha Instituisaun F-FDTL nian.

Iha biban nee mos Koronel Antonio hateten, Membru Konsellu Superior Defesa Seguransa parte husi Prezidente da Republika nee nia tenke nomea ema rua  ida maka Deputadu L7 neebe agora dadauk nee nia sai deputadu ona husik fali membru Konsellu Defesa Seguransa neebe Prezidente maka eskoila nain rua, mais komu ida ba ona deputadu tuir lei nia labele halo funsaun ida nee.

Tanba PN nee iha nia reprezentante rasik mai iha Konsellu Superior Defesa Seguransa, entaun husi parte Prezidente da Republika nian nee falta tiha ona, tanba nee maka ohin nee mos fo pose ba membru nain rua ho juramentu, ida maka Jose Manuel neebe Subtitui membru Konsellu Superior Defesa Seguransa L7, ida seluk fila fali Ministru da Defesa tanba Ministru Defesa ida seluk laiha tenke ida seluk mai fali nee hola parte ba iha membru Konsellu Superior Defsa Seguransa.

Carme Ximenes | Suara Timor Lorosae