Sekretariu Estadu Asunto Antigus
Combatentes Libertasaun Nasional (SEAACLN), Gil Da Costa Monteiro husu ba parte
sira nebe dehan iha veteranus falsu atu hato’o keixa ba tribunal tuir atu bele
prosesa hodi hatene falsu ka lae.
“Laiha ema ida halo keixa tuir
legalidade lei, hau labele rona deit dehan falsu atu hasai ema hotu, ne’e lae,
informasaun sempre informasaun atu dehan los ka lalos ne’e estatuto da
kombatenti libertasaun nasional klaru nia hatene dehan ida ne’e falsu, entaun
hatama keixa ho ninia evidensia klaru, hasai tiha nia, laos ema hotu
falsu”, hatete Sekretariu Estadu Asunto Antigus Kombatentes Libertasaun
Nasional, Tersa (28/8/2018).
Tuir Gil da Costa Monteiro katak
atu koalia veteranus ne’e falsu ka la falsu, depende primeiru nia tenki presta
informasaun hodi rejisto, segundu ba iha validasaun verifikasaun no aprovasaun
husi mos rekomendasaun tuir responsável sira ne’ebe uluk destaque iha kaixa
sira iha tempu rezistensia nian.
Nia hatutan Sekretariu Estadu
labele hatete katak ema nia rekomendasaun falsu hotu, maibe se iha evidensia
tuir Estatuto Combatenti Libertasaun Nasional ema ruma hatete dehan falsu ne’e
keixa hasai nia.
“Identifikasaun kontinua lao,
maibe persiza identifikasaun sira ne’e bele sai realidade, entaun persiza
timor-oan hotu nia kontribuisaun se timor oan maka la kontribui, atu hatete
katak ida los maka ne’e, ida sala maka ne’e, entaun nafatin deit.
Durante ne’e halao hela ate mate
ruin sira mos verifika atu hatene lolos”, tenik nia. SIS
GMN TV | Grupo Média Nacional
Sem comentários:
Enviar um comentário