quinta-feira, 2 de agosto de 2018

Indonézia-Laos Importante Ba TL

PARTILHAR

DILI, (TATOLI) – Ministru Reforma Lejislativa no Asuntu Parlamentár, Fídelis Leite Magalhas, hateten rezolusaun Konsellu Ministru hodi apoiu vítima dezastre naturál iha Indonézia no Laos hanesan kompromisu Estadu, tanba nasaun rua ne’e importante ba Timor-Leste.

“Paises rua ne’e importante ba Timor-Leste, tanba ne’e ita fó apoiu maibé hein osanʺ, ministru ne’e hatan ba jornalista sira iha Palásiu Governu, ohin.

Fídelis dehan governu bainhira oferese osan ho montante milliaun $750 ba nasaun rua ne’e, kuandu Prezidente Repúblika aprova ona proposta orsamentu duódesimu ne’ebé Parlamentu Nasionál aprova foin lalais ne’e.

“Horisehik ne’e resolusaun ida katak governu kompromete atu fó apoiu ba vitima dezastre rai nakdoko iha Lombok Indonézia no Laos, governu hakarak fó maibé depende bainhira iha ona osanʺ, hatan ministru.

TL foti pozisaun ne’e tanba relasaun nu’udar membru organizasaun nasaun sira iha sudeste aziátika (ASEAN-sigla inglés).

Jornalista: Agapito dos Santos | Editora: Rita Almeida

Imajen: Primeiru-Ministru, Taur Matan Ruak prezide reuniaun iha Konsellu Ministru.
PARTILHAR

Author: verified_user

Publicação luso-timorense sem fins lucrativos

0 comentários: