segunda-feira, 6 de agosto de 2018

PTR Ho PR Diskute Aselera Kazu Iha Tribunál

PARTILHAR

DILI, (TATOLI) – Prezidente Tribunál Rekursu (PTR), Deolindo dos Santos, hala’o enkontru ho Prezidente-Repúblika (PR), Francisco Guterres Lú Olo, kona-ba halo nusa maka Tribunál bele hala’o serbisu ho di’ak no lais liután.

“Bainhira ko’alia kona-ba Tribunál, ko’alia prosesu. Entaun, saida maka ha’u aborda ho imi (jornalista) no Prezidente-Repúblika maka oinsá atu haree prosesu sira ne’ebé oras ne’e pendente hela iha Tribunál bele dudu ho lais para bele hetan desizaun iha tempu badak”, dehan Deolindo ba jornalista sira iha Palásiu Prezidente Nicolau Lobato, Bairru Pité, segunda ne’e.

Nia esplika estatístikamente prosesu ne’ebé pendente barak liu iha Tribunál Distritál Dili, tuir Tribunál Baukau, Suai no Oekusi.

“Ha’u lembra di’ak pendente ne’ebé iha Tribunál Dili ne’e ita iha prosesu hamutuk 100 itál ho juiz na’in tolu de’it. Maibé, tuir ha’u nia prespetiva katak kazu hirak ne’e bele iha solusaun lalais bainhira iha tan juiz balun ne’ebé sei integra ba Tribunál Rekursu para bele dudu prosesu ne’e ho lais inklui prosesu sira ne’ebé maka komplexu”, Deolindo haklaken.

Jornalista: Xisto Freitas | Editora: Rita Almeida

Imajen: Prezidente-Repúblika, Francisco Guterres Lú Olo (liman-loos) kaer liman ho Prezidente Tribunál Rekursu, Deolindo dos Santos. Foto Mídia PR.
PARTILHAR

Author: verified_user

Publicação luso-timorense sem fins lucrativos

0 comentários: