terça-feira, 7 de agosto de 2018

Numeru ema mate sae ba na'in 98 tanba rai-nakdoko iha illa Indonezia Lombok.

PARTILHAR

Autoridade indonezia sira hasae tan iha loron-segunda ne'e numeru ba ema mate na'in 98 tanba rai-nakdoko ho magnitude 7 iha illa Lombok, no anunsia mós rezgate ba turista sira hamutuk rihun rua resin.

Rai-nakdoko, ho nian episentru klean metru rihun sanulu, akonstese semana ida hafoin rai-nakdoko ida, ne'ebé iha mós illa turístika Lombok, ne'ebé maka provoka ema mate na'in 17 no kanek na'in 300 resin.

Sutopo Purwo Nugroho informa katak ema barak ne'ebé mate ne'e tanba dezabamentu hosi sira nian hela-fatin, no refere mós katak sei eziste ema atus ne'ebé kanek no estragus millaun resin iha uma sira.

Foto barak ne'ebé maka divulga iha rede sosial sira hatudu destruisaun iha estrada sira Lombok nian tanba rai-nakdoko no mós pániku iha illa viziñu Baliu, iha aeroportu internasional.

"Iha tsunami ne'ebé maka tama mai rai ho altura sentímetru 10 too 13. Altura másima ne'ebé kalkula maka meiu-metru", Hatete tena hosi porta-voz ajénsia iha komunikadu.

Servisu Zeolójiku Estadus Unidus (USGS), ne'ebé maka rejista aktividade ba rai-nakdoko iha mundu tomak, lokaliza rai-nakdoko ne'e kilómetru 2,4 iha leste Loloan nian, iha norte Lombok nian.

Rai-nakdoko ne'e akontese iha loron-domingu oras lokal 19:46, tuir kedas ho réplikas barak.

Illa Lombok, domina hosi vulkaun Rinjani, iha leste bali nian, no prinsipal fatin turístiku Indonezia nian.

Iha loron 29 Jullu, ema na'in 16 mate no 355 hetan kanek tanba rai-nakdoko ida ho magnitude 6,4, no réplika sira iha Lombok, ne'ebé maka estraga edifisiu hamutuk 1.500 resin.

Indonezia situa iha área ida ho naran "Ring of Fire of Pacific", rejiaun ida ho rai-nakdoko no vulkaun ne'ebé maka rejista rai-nakdoko 7.000 resin tinan-tinan, barak maka moderadu deit.

Iha tinan 2004, rai-nakdoko iha kosta norte illa indonezia Sumatra nian ne'ebé maka orijina tsunami ida no provoka ema na'in 280.000 mate no nasaun 12 ne'ebé envolve iha Índiku, maioria iha Indonezia.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: