Parlamentu timoroan sei debate
iha loron-tersa pedidu levantamentu imunidade ne'ebé aprezenta hosi deputadu no
eis-ministru António da Conceição, hosi Partidu Demokratiku (PD), hodi ba hatan
nu'udar arguidu iha prosesu ida.
"Ha'u halo pedidu ba
prezidente hodi bele levanta imunidade atu nu'uné ha'u bele mosu ba iha
Tribunal Baucau nian iha loron 14 Novembru. Ha'u hakarak klarifika asuntu
ne'e", hatete eis-ministru Edukasaun no eis-ministru Komérsiu no Indústria
nian ba Lusa.
Conceição esplika ba Lusa katak
nia sei ba hatan nu'udar arguidu iha investigasaun ida konabá partisipasaun
ekonómika iha negosiu, iha kazu ida iha iha tinan 2014, bainhira kaer pasta
Komérsiu no Indústria nian no ne'ebé maka rejista krize alimentar ida iha zona
leste nasaun nian.
"Iha problema iha kolleita
iha suku lima iha Vemasse no administrador ida no xefe suku sira manda pedidu
intervensaun umanitaria ida", nia esplika.
"Ha'u halo despaxu no ha'u
asina kontratu ida hodi fó fos ne'ebé maka atu faan ho presu ida ne'ebé fixu,
no baratu liu ba komunidade sira ne'ebé afetada. Labele fahe gratis de'it tanba
la iha dadu ne'ebé ezatu konabá ema sira ne'ebé afetadu", refere.
Osan sira ne'e depozita iha konta
Estadu nian, refere Conceição, maibé nia hatete katak administrador ne'e faan
fos sira ne'e sem respeita kriteriu sira no ho presu ne'ebé as.
"Polisia detén tiha kedas
nia, no bolu ha'u ba hatan durante investigasaun", hatete. "Maibé
hotu ho akuza ha'u ba partisipasaun ekonomika iha negosiu. Sira hatete katak
ha'u la devia asina kontratu ne'e no ha'u halo intervensaun iha merkadu. Ne'e
lalos, ne'e hanesan resposta ba krize umanitaria ida", nia afirma.
António Conceição afirma fali
nu'udar inosente no nia hatete katak hakarak hatan iha tribunal hodi "taka
asuntu ne'e" lalais liu.
Aleinde levantamentu ba imunidade
António Conceição nian, parlamentu mós sei vota iha loron-tersa ba pedidu
autorizasaun ida hosi deputadu seluk ida hosi PD, prezidente Mariano Assanami
Sabino, hodi bele ba presta deklarasaun, nu'udar sasin iha prosesu seluk ida.
SAPO TL ho Lusa
Sem comentários:
Enviar um comentário