Droga Tama TL Arbiru, KM Aprova Lei Kombate Trafiku Droga

DILI - Durante droga sirkula livre iha Timor Leste (TL), tamba nee Governu liu husi Konsellu Ministru (KM), aprova proposta lei kombate trafiku dorga, hodi prevene.

Tuir Sekertariu Estadu Konsellu Ministru Avelino Coelho katak lei kombate trafiku droga, Konsellu Ministru diskuti no aprova ona, maibee sira sei lori ba Parlamentu Nasional hodi diskuto no hetan aprovasaun, para bele aplika, tamba agora aprova husi Konellu Ministru nee sei proposta de lei.

Proposta lei kombate trafiku droga nee, oinsa atu kria istrumentu legal ida para ita nia istitusaun neebe tama konta ba area nee bele tau matan, foti medidas no halo intervensaun.Tamba droga tama iha TL arbiru deit,” hateten Coelho, ba Jornalista sira, hafoin remata Konsellu Ministru, iha Palasiu Governu, Tersa (28/04/2015).

Nia hatutan liu husi Konsellu Ministru mos aprova ona Proposta de lei kombate trafiku humanus, tamba proposta sira nee mai husi Ministeru Justica. Informasaun kompletu iha STL Jornal no STL Web, edisaun Kuarta (29/4/2015). Joao Anibal

Suara Timor Lorosae