Dili,
Radio Online, Ahi haan ema nia Loja haat, hanesan Loja Putra Afaca, Suai Indah,
Super Xerox, loja Afaca Jaya, iha parte Audian, Bombeirus sira la konsege salva
uma no sasan sira, tamba kestaun bee, iha Sesta, 24/4/2015, tuku 05:00
OTL madrugada, iha Audian.
Iha
akontesimentu Hendry R The, hanesan Kariawan iha Loja Super Xerox, husi
Indonesia, esplika katak, wainhira tuku 05:30 ho balun nia hakfodak husi toba,
nia rona ona botir no kalen nakfera, nia halai sai no hare ahi han ona loja iha
sorin, maibe nia hader ne’e ahi foin han loja ida deit.
“ wainhira ami hare ahi lakan boot tan, ami halai sae ba leten fatin toba ne’e, hodi buka sasan ne’ebe mak atu salva lalais, maibe sasan barak ne’ebe mak iha gudang lakonsege salva, ami halai sai iha uma sorin atu salva an lalais” imforma Hendry.
Iha fatin hanesan, Simão Pedro hanesan Bombeirus aspirante, imforma katak, laos husi parte Bombeirus mak tarde atu salva ahi ne’e maibe falta de ekipamentus.
“Wainhira simu kontaktu iha tuku 06:00 OTL, ami desloka kedas mai iha fatin akontesimentu, ami konsege salva vitima nain tolu ne’ebe mak sei toba hela, tamba ahi, manas sae, sai la biban, ami konsege salva, ami mos esforsu halao servisu tuir ami nia knaar atu salva ema, maibe ekipamentus la sufisiente ba ami, maske membrus Bombeirus barak maibe laiha ekipamentus ami mos labele halo buat ruma”, dehan Simão.
Simão relsa tan, “ami iha difikuldade mos ba bee, tamba tanki rua deit, no ami husu ajuda husi parte SAS nia”, imforma Pedro.
Iha akontesementu ne’e rejulta ema ida mate no dadauk iha hela prosesu autopsia.
Fatima
Afonso – Rádio Liberdade Dili
Sem comentários:
Enviar um comentário