Dili -
Situasaun estranho ida ita sei hasoru iha Sede Nasional Partidu Sosial
Demokrata – PSD iha Mandarin, Dili, bainhira ita tama iha sekretariado ne’e ita
sei hetan emblema nasional, Bandeira Republika Demokratiku Timor Leste (RDTL)
nakles no bosan hatur hamutuk ho bandeira partidu nian ne’ebe foun no nabilan.
Tuir
observasaun husi Centru Jornalista Investigativu Timor Leste (CJITL) iha loron
25 Abril 2015 nota katak iha sede PSD bandeira nasional ne’ebe monta
kuaze 80 porsentu nakles no bosan kompara ho bandeira partidu nian.
CJITL
tenta atu halo intervista ho Prezidente Partidu nian konaba bainhira mak atu
troka bandeira nasional, maibe Sede ne’e rasik hahu husi Segunda to’o Sexta nia
Prezidente ho dirizente partidu nunka mosu.
“Ita
bo’ot sabdu mak mai deit, tamba sabdu iha ne;e sira enkontro” Hateten Pesoal
Siguransa iha sede partidu nian.
Maske
nune’e, iha Sabdu semana kotuk, sede ne’e kontinua la ativu no laiha dirizente
partidu mak halo enkontro, no bandeira RDTL kontinua sai vitima tamba laiha
dirijente partidu hanoin atu troka bandeira nasional ne'ebe ema hotu respeito
no hakruk ba.
PSD
rasik lidera husi Eis Ministru Negosius Estranjeiru, Zacarias Albano da Costa
no la konsege hetan votus kadeira ruma iha eleisaun jeral 2012. (CJITL)
CJITL
Sem comentários:
Enviar um comentário