ERMERA
- Timor Leste hetan ninia Idependensia tinan 13 ona, maibe Povu kontinua
Preokupa Infrastrutura baziku signifika Ukun Aan nebe Povu hetan Seidauk iha
Valor, tamba nee estadu tenki hadia povu nia moris.
Deklasaun
nee Prezidente Republika Taur Matan Ruak fo sai Durante halao Dialogu ho Povu
iha suku Raimerhei, Postu Administrativu Ermera, Munsipiu Ermera atu rona povu
nia preokupasaun no problema nebe mak sira hasoru iha baze.
Ita
nia independensia ho mate no sakrifisiu nebe mak ita fo durante funu, ikus mai
ita nia eskola ladiak, kafe folin laiha, Estrada ladiak, ita nia independesia
laiha valor kuandu ita moris nafatin hanesan nee,” dehan Taur iha Suku
Raimerhei, Tersa (26/05/2015) wainhira halo dialogu ho Komonidade sira.
Nia
hatete povu atu hetan moris diak, Timor oan hotu tenki hamutuk servisu makas la
sura oras sei too iha objetivu nebe mak sidadaun hotu hakarak, tamba buka ukun
Aan nebe lori terus no mate sei hakarak maibe buka moris diak labele ema sei
dehan Timor oan lahalo.
Komunidade
Jordao Perreira de Deus hatete Povu iha Suku Raimerhei susar lori produtu lokal
ba iha merkadu, tamba kondisaun Estrada ladiak tamba nee husu ba prezidente
hato ba monisteriu Relevante hodi hadia Estrada. Informasaun kompletu iha STL
Jornal no STL Web, edisaun Kuarta (27/5/2015). Timotio Gusmao
Suara Timor Lorosae
Sem comentários:
Enviar um comentário