Komemora Tinan 500, Taur Husu Aprezenta Konvidadu Espesial

DILI - Atu komemora tinan 500 Revanjelijasaun iha Oecuse, Prezidente Republika Taur Matan Ruak husu governu aprezenta Konvidadu Espelsial nebe Timor Leste hakarak konvida.

Informasaun nee fo sai husi Primeiru Ministru Rui Maria de Araujo hafoin hasoru malu ho Prezidente Republika Taur Matan Ruak, hodi informa aktividade governu no mos situasaun Siguransa iha rai laran.

Ita mak koalia detaila liu oituan kona ba ita nia selebrasaun tinan 500 nebe sei halao iha oecuse prezidente husu atu komisaun organizadora aporezenta ona lista xefi estadu nebe ita hakarak konvida,” dehan PM Rui ba Jornalista, Segunda (15/06/2015) iha Palasiu Prezidensial Nicolao Lobato.

Nia hatete Agora tama ona Junu komemorasaun tinan 500 sei halao iha Novembru, tan nee aprezenta ona lista xefi estadu sira nebe mak Timor Leste bele fo sai konvida hodi bele partisipa iha seremonia nee.

Iha fatin ketak Prezidente Republika Taur Matan Ruak hatete prezensa igreja Katolika hamutuk ho sidadaun Portugal iha Lifau Oecusse, hodi hasoru Timor oan sira iha tinan 500 ba kotuk difini estatutu Timor oan nian hodi haketak ho nasaun seluk. Informasaun Kompletu iha STL Jornal no STL Web, edisaun Tersa (16/6/2015). Timotio Gusmao

Suara Timor Lorosae